افغانستان: 'ینگی ایپک یولی' نینگ قوریلیشی ایشی باشلنه دی

افغانستان فواید عامه وزیرلیگی معاونی احمدشاه وحیدنینگ ایتیشیچه، افغانستان نی چین بیلن باغله یدیگن جاده نینگ قوریلیش تامینات ایشلری جاری ییلده باشله نیشی ممکن.

ینگی ایپک یولی لایحه سی نینگ بیر قسمی دن عبارت بولگن بو پروژه، افغانستان شمالشرقیده گی بدخشان ولایتی نینگ واخان تومنیدن اوتیب، افغانستان نی چین گه باغله شی ممکن.

بو جاده نینگ قوریلیش مسله سی افغانستان جمهور رییسی محمد اشرف غنی نینگ اوتگن ییلی چینگه قیلگن سفریده ایکله مملکت اورته سیده کیلیشیب آلینگن.

ایتیلیشیچه، تیزآره ده بو پروژه نینگ قوریلیش باسقیچلرینی نهایی لشتیریش اوچون چیندن افغانستانگه هییت سفر قیله دی.

منطقه ده افغانستان ترانزیت اهمیتی گه اعتبار بیریش و اوندن مملکت اقتصادی یخشی لنیشی اوچون فایده لنیش، افغانستان ملی بیردملیک حکومتی نینگ بیرگن وعده لریدن بیری ایدی.

عین حالده، چین جمهور رییسی نینگ پاکستانگه قیلگن سونگی سفریده، ایکله مملکت اورته سیده اوچ مینگ کیلومتر مسافه ده تیمیریول قوریش شرطنامه سینی امضاله گن.

بو تیمیریول افغانستان توپراغیدن اوتمسلیگی ممکن، اما وحید جنابلری نینگ ایتیشیچه، افغانستان سیز اطرافده گی مملکتلرنینگ بیر بیراولری بیلن باغله نیشی مشکل و سیرخره جت بولیشی ممکن.

وحیدجنابلریگه کوره، افغانستان نینگ جغرافیایی مخصوص موقعی گه قره گنده، بو مملکت آسیامملکتلری و منطقه اقتصادی همکارلیک تشکیلاتلرنی باغلاوچی بیر کوپریک صفتیده خذمت قیله دی.

اما افغانستان تجارت اتاغی نینگ خلق ارا علاقه لر رییسی آذرخش حافظی، مملکتده گی ابتدایی ترانسپورت تیزیمی گه قره گنده، بوندن افغانستان قوتیگه فایده لنیش ممکن ایمس دیگن.

اونگه کوره، افغانستان کته اوچاقلرقونه دیگن هوا میدانلری نی دنیا معیارلریگه ماس قیلیب قوریلیشی کیره ک.

افغانستان بولسه ـ ده، سوو و ییر و هوا ترانسپورت تمانیدن اوره ب آلینگن، بیر مملکت. اما بو ایکی ساحه ده کورینرلی درجه ده ایش عملگه آشمه گن.