اولوسی جرگه رییسی شمال خوف سیزلیک وضعیتیدن جدی تشویش بیلدیردی

اولوسی جرگه رییسی عبدالروف ابراهیمی افغانستان شمالی ولایت لریده ناتینچلیکلر یمانله شیب باره یاتگنیدن تشویش بیلدیریب، امنیتی مقاملر بوخصوصده جواب بیریشلری کیرک لیگینی تاکیدله دی.

عینی حالده جناب ابراهیمی، شمالی ولایت لرناتینچلیک نقطه نظریدن جنوبی وزیرستانگه اورگرنینی تیلگه آلدی.

شونینگ دیک ایریم ملت وکیللری، وضعیت شوندی دوام تارتسه، طالبان عصیانچیلری کوپ حدودلرنی اوز نظارت لریگه آلیش لری ممکن لیگینی ایتدیلر.

افغانستان شمالی ولایت لری نینگ خوف سیز لیک وضعیتی ملت وکیللری نینگ جدی خواطرگه سبب بولگن.

اولوسی جرگه نینگ بوکونکی جلسه سیده بوموضوع محاکمه ایتیلدی. ایریم ملت وکیللری تیزلیک ده اعتبار قره تیلیشینی مرکزی حکومت دن طلب قیلدی .جلمه دن قندوز ولایت نینگ ملت وکیله سی شکریه پیکان، مذکور ولایتی نینگ ایریم حدودلریده طالبان عصیانچیلری انچه فعال بولگنینی تیلگه آلیب اعتباربیریلمه گن تقدیرده بولایت مرکزی هم طالبان نظارتیگه اوتیشی بیلن آگاه لنتیردی:"قندوز وضعیتی اوته یمان، قندوز طالبان نظارتیگه اوتیشی ممکن، هرکون اوروش، قندوزگه اعتبار قره تیلمسه، بو لایت طالبان نظارتیگه اوتیشی ممکن. بونی اونوتمنگلر، قندوز طالبان نظارتیگه اوتگنده شمال طالبان نظارتیگه اوته دی، نهایت طالبان مملکت بویلب حاکم بولیشی ممکن."

نه فقط قندوز ملت وکیللری بلکه تخار وکیللری هم خوف سیزلیک یمانله شیب باره یاتگنی باره سیده فکر بیلدیریب طالبان عصیانچیلری مهم منطقه لرنی اوز نظارتیگه الیش اوچون اورینه یاتگنینی ایتدیلر. بوحقده تخار ملت وکیله سی وکیله سی حبیبه دانش:"طالبان عصیانچیلری مهم و استراتیژیک منطقه لرنی اوز نظارتیگه آلیش اوچون سعی قیلماقده. امن منطقه لرهم ناتینچ بوله دی. اما بیز فقط کوریب تورگن میز و خلاص."

افغانستان اولوسی جرگه رییسی عبدالروف ابراهیمی ملت وکیللری شکایت لرینی تینگله گنیدن سونگ بدخشان، تخار، قندوز، سرپل، بادغیس، شرقی غزنی و ننگرهار ولایتلریده قتیق توقنه شوولر دوام ایتیب کیله یاتگنینی اورغوله دی.

عینی حالده او، افغانستان شمالی ولایت لرینی خوف سیزلیک نقطه نظریدن جنوبی وزیرستان بیلن تقاس لب شوندی دیدی:"افغانستان شمالی حدودلری وزیز ستان گه اوزگرگن.افغانستان جمهوررییس! سیز اوز وقتیمنی امنیت اوچون اجره تگن من دیگن سوزلرینگیز یالغین ایکن.چون شمال وزیرستاندیک ناتینچلیککه ایلنگن. بیرهفته ویا اون کون دن سونگ خدا قیلمه سین افغانستان شهرلری نینگ طالبان نظارتیگه اوتیشگه شاهد بولیشیمیز ممکن.

عینی حالده ابراهیمی جنابلری، شمال خوف سیزلیک وضعیتی نی افغان امنیتی مقاملر بیلن اورته گه قوییگنینی تاکیدله دی همده، او بوحقده امنیتی مقاملرو جمهوررییس خوف سیزلیک مصلحت چیسی اولوسی جرگه یغینده جواب بیریشلری کیرک لیگنی اورغوله دی.

شوندی ایکن ملی بیردملیک حکومتی نینگ اجراییه رییسی طالبان نینگ اساسی مقصدی مردم اره سیده خوف توغدیریش ایکنلیگینی تاکیدله دی.

.