قندوزده جنگ دوام ایتماقده

Image copyright EPA

قندوز محلی رسمیلری بوگون دوشنبه قندوزنینگ اوچ تمانیده جنگ دوام ایته یاتگنی نی ایتیشگن.مسووللریگه کوره، بو جنگ آرتیدن بیر نیچه ولایت یاردمچی کوچلر قندوز گه ییتیب بارگن.

حاضر امام صاحب، علی آباد تومنلری و شهر یقینیده جایلشگن گورتیپه منطقه سیده اوروش دوام ایته یاتگنی حقیده خبر بیریشگن.

ایتیلیشیچه، حاضرگه قدر بو اوروش ده قوراللی مخالفلردن 40 ته سی نابود قیلینگن و باشقه 20 نفری یره لنگن.

بو جنگده آلتی خارجی جنگری هم هلاک ایتیلگنی ایتیله دی. قندوز خوفسیزلیک مسووللری جنگریلرنینگ هجوملری نی باستیریشلری ممکنلیگی نی ایتیشگن.

معلوماتلرگه کوره، سونگی وضعیت سبب، کمیده 800 مینگ عایله اوزی اوی جایلرینی ترک ایتیشگن و محل مسووللری تینچ اهالی گه ییتگن احتمالی تلفات باره سیده معلومات بیرمه گن.

اوتمیشده هم بونده ی عملیات قندوز ده گی جنگریلرگه قرشی اوتکزیلگندی، اما اولرنی بوتکول یوق ایتیشگه قادر بولالمه گن.

ییل باشله نیشیده، طالبان و باشقه جنگری گروه لر دولت گه قرشی اوزی نینگ پارتلش، خودکش و قوراللی هجوملرینی شدتلشتیریشلری باره سیده آگاه لنتیرگندی، اما افغانستان خوفسیزلیک مسووللری اولرنینگ بو آگاه لنتیریشلرینی یالغان وتبلیغی دیه تاکیدلشدی.

بو ییل ایسه، شمالیشرقی بدخشان و قندوز ولایتلریده عصیانچیلر اوز هجوملرینی آلدیندن قیلگن آگاه لنتیریشلریگه بنآ، دوام ایتیریب کیلماقده. بدخشان ده ییل باشیده قوراللی جنگریلر ملی اردوعسکرلری نینگ پوسته سیگه قیلگن هجومیده دولت کوچلریگه آغیر تلفات ییتکزدی.اما دولت هنوزگه قدر بدخشان ده گی عصیانچیلرنی اورته دن یوق ایتیش و اولرنینگ تینچ قرارگاه لریگه عملیات اوتکزیش گه قادر بوله آلمه گن.

قندوز ولایتیده جنگریلرنینگ فعالیتی بدخشانگه قره گنده، کینگ ایکنی ایتیله دی. اولر ولایت نینگ امام صاحب، علی آباد، دشتی ارچی، چهاردره، خان آباد و قندوز شهری نینگ یان اطراف لریده کینگ فعال بولیب، دولت گه قرشی هجوملرینی دوام ایتیرماقده لر.