" اروزگان پلیس قوماندانی سیرلی شکلده اولدیریلگن"

رسمیلرگه کوره، اروزگان ولایتی نینگ پلیس قوماندانلیگی نینگ وقتینچه لیک باشلیغی گلاب خان کونی کیچه ساعت اون ده ولایت مرکزی ترینکوت شهریده سیرلی شکلده آتیب اولدیریلگن.

اروزگان ولایت نینگ ولایت حاکمی سوزلاوچیسی محمد نایاب نینگ بی بی سی خبرنگاری مامون درانیگه ایتیشیچه، پلیس قوماندانی ترینکوت مرکزی ده جایلشگن سرخم محلیده گی پوسته لردن بیری نینگ یقین دن کوریش اوچون باره یاتگن بیرپیت ناانیق شخص لر تمانیدن هجومگه توتیلگن.

اروزگان پلیس باشلیغی گلاب خان تفنگچه بیلن آتیب آولدیریلگن. بو محلی مقام قوریقچیلری تمانیدن اتیب اولدیریلگنی باره سیده شبهه لر پیدا بولگن. شوباعث امنیتی منبع لردن بیری نینگ ایتیشیچه، شبهه لی بیرنیچه قوریقچی پلیس تمانیدن قولگه آلینگن.

گلاب خان اون ایککی ییل اروزگان ولایت نینگ جنای مدیری صفتیده وظیفه بجرگن، بیر ای مقدم اوشبو ولایت نینگ پلیس قوماندانلیگی نینگ وقتینچه لیک باشلیغی صفتیده تعین لنگن ایدی.

بوندن قریب بیر آی مقدم هم اروزگان ولایتی نینگ آلدینکی پلیس قوماندانی مطیع الله خان پایتخت کابلده، انتحاری هجوم نتیجه سیده هلاک ایتیلگن ایدی.

.