افغانستان و پاکستان چیگره سیده ایکی گروگان اولدیریلگن

آق اوی نینگ ایتیشیچه، امریکالیک و ایتالیالیک ایکی گرو گان امریکا نینگ افغانستان و پاکستان چیکره سیده اوتکزگن تیروریزیمگه قرشی عملیاتیده بو ییل اولدیریلگن.

آق اوی بو حقده بیر اعلامیه نشر ایتیب، بو ایکی گروگان نینگ اولیمی دن افسوس اظهار ایتگن.

امریکالیک وارن واینستین و ایتالیالیک جیووانی لو پورتو بوندن بیر نیچه ییل آلدین القاعده قولیده گروگان ایدی.

73 یشر واینستین 2011 ییلده پاکستان نینگ لاهور شهریده گی اوییدن اوغیرلنگن. او 7 ییل پاکستانده کون کیچیریب، اکثرآ اقتصادی رواجلنیش لایحه لرده فعال ایدی.

بو عملیات ده القاعده سوزچیسی بولگن آدام گدن هم هلاک بولگن.

39 یشر جیووانی لو پورتو 2012 ییلده پاکستان نینگ مولتان شهریده اوغیرلنگن. او بیر خلق ارا انسانپرورلیک تشکیلاتیده ایشلردی.

آسوشیتدپرس خبر آژانسی بیر خوفسیزلیک مسوول نینگ ایتیشیچه، مذکور ایکی گروگان امریکا نینگ اوچووسیز اوچاقی نینگ افغانستان و پاکستان چیگره سیده قیلگن هجومیده هلاک بولگن.

آق اوی اوز بیاناتیده،مذکور عملیاتده القاعده گه اعضا بولگن باشقه ایکی امریکالیک هم اولدیریلگنینی قید ایتگن.

امریکا جمهور رییسی باراک اوباما نینگ ایتیشیچه، امریکالیک و ایتالیالیک ایکی گروگان بو عملیاتده توستدن نشانگه آلینگن.

اوباما جنابلری مذکور ایکی گروگان نینگ اولیمی دن قتیق افسوسلنیب، اونینگ اولیمیگه جنگریلر مسوول ایکنینی ایتگن.