کابلده فعاللر فرخنده نینگ قاتللیک صحنه سینی اجرا ایتدیلر

فرخنده نینگ قتل ایتلیشدن برابر قرق کون بولدی. بو مناسبت بیلن اونلب مدنی جماعه فعاللری فرخنده نینگ قاتللیک صحنه سینی اجرا ایتدیلر.شونینگ دیک بوفعاللر فرخنده حادثه سی جدی ایزلنمه یاتگنینی قتیق قاره لب چیقدی. نوروزده ایککی کون قالگنده شاه دوشمشیره زیات گاهیده فرخنده قرآن شریف گه اوت قوییش عیبی بیلن ایریم شخص تمانیدن یمان حالتده اولدیریب کینچه لیک جسدی اوت قوییلدی.

حادثه بوییچه تحقیقات اوتکزیش اوچون تعین لنگن هیات تحقیقات نتیجه سیده فرخنده نی گناه سیز ایکنلیگینی اعلام قیلدی. بوکونکی مراسمده خانم لینا علم فرخنده قندی اولدیریلگنینی صحنه گه توشیریب اکثریت نی یغلتدی.

عدالت ایستمیز دیگن شعارلرنی کوتارگن اعتراضچیلر کابل پلیس باشلیغی وظیفه سیدن چیتلنتیریلیشینی طلب قیلشدی. اولرگه کوره، پلیس باشلیغی فرخنده قتلی الدینی الیش اوچون جدی اعتبار بیرمه گن. فرخنده نینگ قتل ایتیلیشی اجمتاعی ترماق لرده کینگ مناسبت لر بیلن بیرگه بولدی. بو حادثه ارتیدن افغانستان حکومتی ایککی دولتی مقام و ایریم پلیس کوچلرینی وظیفه لریدن چیتلنتیردی. همده فرخنده قتل گه عیبله نیب 50 دن ارتیق شخص هم قولگه آلینگن. شونینگ دیک شاه دوشمشیره جاده سی هم فرخنده اتیگه ناملنگن. بوحادثه افغانستان باش قاره لاوچیلیک اداره سی تمانیدن تیکشیریلماقده. اما حاضرگه قدرهم بوخصوصده گی دوسیه محکمه گه یوباریلمه گن.