هندوستانده اشرف غنی: افغانستان آلدیده آغیر ییل توریبتی

Image copyright AFP

افغانستان جمهور رییسی محمد اشرف غنی، بو ییل آلدیده آغیر ییل تورگنینی ایتیب، افغانستان نی خلق ارا تیروریزیم نشانگه آله یاتگنی نی سبب قیلیب کورستگن.

غنی جنابلری خلق ارا تیروزیم دن مقصد نیمه لیگی باره سیده ایضاح بیرمه گن، اونینگ ایتیشیچه، افغانستان 352 مینگ نفرلیک غیرتلی کوچگه ایگه بولگنلیگی اوچون دولت نینگ قوله نیشی نی آلدینی آله دی.

ایلکبار 83 نفر یوقاری مرتبه لی هییات باشچیلیگیده هندوستانگه رسمی سفر قیلگن اشرف غنی دهلیگه ییتیب بارگن.

هندوستانگه بارگن بی بی سی مخبری هارون نجفی زاده نینگ ایتیشیچه، افغانستان جمهور رییسی نی هندوستان مالیه وزیری معاونی جایانت سینها پالم حربی هوامیدانیده خوش قرشی له گن، اما رسمی کوتیب آلیش مراسمی بوگون ایرته لب هندوستان باش وزیری نارندرا مودی تمانیدن اوتکزیلگن.

غنی جنابلری هندوستان گه بارگنی آرتیدن، اوییرده افغانستان ایلچی خانه سی نینگ توب تاشینی ینگی دهلی ده قویگن و ایلچیخانه نینگ قیته قوریلگن بنالرینی آچگن.

او هندوستانده گی افغان مهاجرلری، نماینده لر و طلبه لر بیلن عحلیده اوچره شگن.

افغانستان جمهور رییسی، مملکتی اداری ومالی کینگ مقیاسلی فسادگه روپه ره ایکنینی ایتیب، اصلاحات کیریتیش گه وقت گه احتیاج بارلیگی نی تاکیدله گن.

او مملکت 34 ولایت محکمه اداره سی رییسلری بیلن اوچره شگنی نی ایتیب، معمالر دن چرچه گنی نی معلوم قیلگن.

هندوستان ده گی مهاجرلر افغانستان نینگ خوست، غزنی، ننگرها و کابل شهرلریده زمینلری غصب ایتیلگنی باره سیده شکایت قیلیب، جمهور رییس اولرگه باسیب آلینگن ییرلری و عبادتگاه لرینی نی قیته ریب بیریشی ممکنلیگی باره سیده وعده بیرگن.

او شونینگ دیک، افغانستان فقرالیگی نی ترک ایتیب هندوستان فقرالیگی نی کسب ایته دیگنلراوچون قوله یلیک یره تیشی نی تاکیدله گن.

بوگون هم جمهور رییس غنی هندوستان باش وزیری نارندرا مودی، جمهور رییس پرناب موکرجی، تشقی ایشلر، تجارت، مدافعه، جمهور رییسی حمید انصاری، ملی امنیت مصلحتچیسی بیلن علیحده دیدارلشیشی ممکن.

ایرته چهارشنبه هندوستان سرمایه گزارلری و تاجرلری بیلن اوچره شیب، اولرنی افغانستانده سرمایه یاتقیزیشگه ترغیبلشیگه حرکت قیلیشی ممکن.