مزارشریفده بیرکیشی فرخنده نینگ قتلیده گمان سیریلیب قولگه آلیندی

Image copyright

مزارشریف ده بیر کیشی فرخنده نینگ قتلیده قولی بولگنلیکده عیبلنیب، حبسگه آلینگن. ایتیلیشیچه، کابل اهالیسیدن بولیب، حادثه صادر ایتیلگنی دن سونگ مزارشریفگه باریب مخفی بولگن.

بو شخص اوتگن کونی کیچقرون مزارشریف شهری نینگ آلتینچی حوزه سیده حبسگه آلیندی. بلخ پولیس اداره سی خوفسیزلیک آمری عبدالرزاق قادری نینگ مطبوعات گه ایتیشیچه، مذکور شخص اوز گناهیگه اعتراف قیلگن:"کابل ولایتی بگرام تومنی اهالی سیدن بولگن 30 یشر حسیب الله اوتگن کیچه مزارشریف شهری نینگ آلتینچی حوزه سی منطقه سیده بیر عملیات نتیجه سیده قولگه آلیندی".

Image copyright .

قادری جنابلریگه کوره، فرخنده نینگ قتلیده گمان سیریلیب، قولگه آلینگن بو شخص اوستیدن تحقیقات اوتکزیلیشی اوچون او کابلگه جونه تیله دی.

اما حبسگه آلینگن حسیب الله اسملی بو شخص، فرخنده نی ملانینگ دستوری بیلن کلتکله گنینی ایته دی:"ملا، قرانکریم نی یاندیردی، دییدی، کیین مین فرخنده نی فقط بیرمرته کلتکله دیم. خطا گه یول قویدیم، بوندن جوده هم پشیمان من".

بوندن آلدین ایچکی ایشلروزیرلیگی فرخنده نینگ قتلیده قولی بولگن کمیده 7 پولیس تمانیدن قیدیروو گه آلینگنینی ایتگندی.

پولیس نینگ ایتیشیچه، حاضر کابل اهالیسیدن 30 و 20 ته پولیس بو حادثه ده عیبلنیب، حبسگه آلینگن.

بوندن قریب ایکی آی آلدین کابلده آله مانلر فرخنده اسملی یاش قیزنی قران کریم نی یاندیرگنلیکده عیبلب، وحشی لیک روشده اولدیریب، اونینگ جسدی نی اوتگه یاندیریشدی.

فرخنده نینگ قتلی افغانستان ایچکریسی و تشقریسیده کته عکس العمللرگه روپه ره بولدی و دنیانینگ تورلی خیل منطقه لریده مردم عامللری قولگه آلینیب، جزالنیشی نی سوره شدی.