سرپل ده یوللر خوفسیزلیگینی تامینلش اوچون یوزلب شخص قوراللنگن

Image copyright f

افغانستان شمالیده گی سرپل ولایتیده بیش یوزگه یقین شخص بلخاب، سنچارک، گوسفندی تومنلری و ولایت مرکزی یوللری خوفسیزلیگینی تامینلش اوچون قوراللنگنلر.محلی مسووللرنینگ ایتیشیچه، آدملرنینگ سانی اون بیش یوزدن هم آرتگن.

خوفسیزلیک مسووللرگه کوره، قوراللی مخالفلر بلخاب و سنچارک تومنلری نینگ قتناو یوللرینی تینچ سیز قیلگن.

سرپل ولایتی اهالی سی نینگ بی بی سی گه ایتیشیچه، مذکور آقیمده خوفسیزلیک وضعیت بیر نیچه آیدن بیری یامانلشگنی، اولرنینگ قورال آلیب چیقیشلریگه سبب بولگن.

اولرگه کوره، بو بیش یوز آدم قوراللی مخالفلرگه قرشی کوره شیش و تینچسیزلیک نی اورته دن کوته ریش اوچون قوراللنگنلر.

سرپل امنیه قوماندانی نورحبیب گلبهاری نینگ ایتیشیچه، مردم عصیان کوته ریشی دولت خوفسیزلیک کوچلری نینگ موافقلشیشلری بیلن بیرگه عملگه آشیریلگن.

اونگه کوره، قوراللنگن اهالی حاضر ناتینچ بلخاب و گوسفند تومنلری تمان یول آلیشگن.

افغانستان شمالیده جایلشگن سرپل ولایتی بوندن آلدین هم ناتینچ سنه لردی، اما بوندن بیرنیچه آی دن بیری اونینگ باردی کیلدی یوللری ناتینچ بولگن.