بدخشانده گی اوروشده امنیتی کوچلردن 16نفرهلاک بولگن

Image copyright f

افغانستان شمال شرقیده گی بدخشان ولایتی ساغلیق نی سقلش رسمی لری گه کوره بو ولایت نینگ مرکزیده کسلخانه سیگه پلس واردو دن عبارت بولگن 16عسکر جسدی آلیب کیلینگن. کسلخانه مسووللریدن شاه عبدالله بی بی سی بیلن بولگن صحبتیده ایتیشیچه بو امنیتی کوچلردن ایکی نفر باشی تنه سیدن جدا قیلینگن و14حربی نینگ باشی هم امان قالمه گن. اونینگ ایتیشیچه 8عسکرهم فیض آباد شهریده گی کسلخانه گه ییتکزیلگن.

افغانستان ایچکی ایشلروزیرلیگی خبرقیلیشیچه طالبان تاماندن بدخشان ولایتی نینگ وردج تومنیده پلیس قرارگاه لری هجومگه توتیلیب تانگ چاغی گچه دوام ایتگن اوروشده ایکله تاماندن 10اوندن آرتیق نفر هلاک بولیب بیرقطاری هم یره لنگن. اما مذکور تومنده گی پلیس ظابطلری لریدن بیری اوزاسمی فاش ایتیلیشینی ایسته می ایتیشیچه بوهجومده امنیتی کوچلردن 17کیشی هلاک بولیب وبیرقطارلری هم اوزحربی امکانیت لری بیلن عصیانچی لرقولیگه توشگن. افغانستان ایچکی ایشلر وزیرلیگی اوروش یوزبیرگنینی تصدیقلب اما امنیتی کوچلر تلفاتی کوپلیگی نی رد ایتگن. طالبان تاماندن وردوج تومنیده گی پلیس نینگ بیرقنچه پوسته لری گه قره تیلگن بوهجوم یکشنبه کونی توشدن کیین عملگه آشیب بوگون ایرته لب تانگ وقتی گچه دوام ایتگن. افغانستان ایچکی ایشلر وزیرلیگی بوهجوم آلدینی آلینگنینی ایته دی. بو وزیرلیک سوزلاوچیسی اورین باسری نجیب دانش یوزبیرگن نیچه ساعت لیک اوروشده ایکی تامان هم تلفات بیرگنینی ایته دی."بواوروشده حاضرگچه بیزگه ییتیب کیلگن گزارشلرگه قره گنده، بختگه قرشی 3نفر پلیسمیز شهید بولگن، تورت پلیس هم یره لنگن، طالبان گروهی گه تلفات کوپراق ییتکزیلگن. ایتیلیشیچه اوندن آرتیق بوگروه اعضاسی هلاک بولیب بیرقطاری هم تن جراحتی آلیشگن". دانش جنابلری گه کوره منطقه ده وضعیت نورمال حالتیگه قیتیب وامنیتی قوت لرایریم محللرنی طالبان دن تازه لش اوچون حربی عملیات باشله گن. اما وردوج تومنیده گی حادثه نی یقیندن شاهدی بولیب اوز اسمی تیلگه آلینیشینی خواه له مه گن پلیس ظابط لری دن بیری بوهجومده امنیتی کوچلردن 17 نفراولدیریلگنینی ایتگن. شونینگ دیک او حربی لردن بیرقطارلری یره له نیب و 5نفرهم طالبان گروهی تاماندن اسیر آلینیب وبوکوچلرنینگ برچه امکانیت لری او لر قولیگه توشگن لیگی نی معلوم قیلگن. افغانستان مدافعه وزیرلیگی رسمی لری بوباره ده مناسبت بیلدیرمی بومساله گه ایچکی ایشلر وزیرلیگی جواب بیریشینی معلوم قیلدی. اما افغانستان ایچکی ایشلررسمی لری وزیرلیگی بوخبرنی رد ایته دیلر. بوندن بیرنیچه هفته آلدین هم بو ولایت نینگ جرم اولوسوالیگیده قوراللی مخالف لر امنیتی کوچلر قرارگاه لریگه هجوم قیلیب نتیجه ده بوکوچلردن اونلب نفری اولیب یاره له نیب ویوقالگندی. طالبان تامان اسیرآلینگن بوکوچلردن بیرقطاری باشی کیسیلگنی خبر قیلینگندی. بوایسه ملت وکیللری تاماندن جدی اعتراض لرگه سبب بولیب شمالی ولایت لرناتینچ بوله یاتگن لیگیدن تشویش لر بیلدیریلگندی. بیربدخشان ولایتی ایمس بلکی مملکت نینگ کوپلب ولایت لریده جنگلردوام ایتماقده. بوایسه اهالی نینگ تشویش وخواطیرلریگه سبب بولیب کیلماقده. بوندن آلدین بوولایت وایریم شمالی ولایت لرگه خارجی جنگری لر اوز عایله لری بیلن کیلیب جایله شیب وافغانستان دولتی گه قرشی جنگلرده قتنشه یاتگن لری باره سیده خبرلر نشر ایتیلگندی.