فرخنده قتلیده عیبلنگنلر اوستیدن باشقه ایکی کون ایچیده حکم صادر ایتیله دی

Image copyright f

کابل باشلنغیچ محکمه سیده فرخنده نینگ قتلی دوسیه لری تیکشیریلگن اوچ کون ایچیده، اونینگ عایله اعضالری قتنشمه گن.محکمه قاضی سی بونگه اساسی عامل نیمه بولگنی معلوم ایمس لیگینی ایتدی.

بوگون محکمه جریانیده قاضی حمیدالله قاصر، پولیس ایکینچی حوزه مسووللری باره سیده، اولر اوز وقتیده حادثه دن خبردار بولیب، حادثه محلی گه ییتیب بارگن اما اوز صلاحیتلری و امکانیتلریدن فایده لنمه گنینی ایتدی.

قاضی، عیبلنگنلرنی اوچ گروه گه بولدی:" فرخنده نینگ قتلی ده باش عامل بولگنلر، اوز وظیفه سیده سستلیک مامورلر و شونینگ دیک، صلاحیتلریدن فایده لنمه گن مامورلر".

اما پولیس ایکینچی حوزه سی مسووللی و رییسی نینگ مدافع وکیللری قاره لاوچی نینگ ادعاسینی رد ایتگن. اولر عیبلنگنلرنی قوییب یوباریلیشی نی طلب قیلیشگن.

اوتگن اوچ کون ایچیده فرخنده نینگ عایله اعضالری دن هیچ بیری محکمه جریانیده قتنشمه گن. اما فرخنده نینگ عایله سی مدافع وکیلی اولر اوچ آلیش نیتیده ایمس بلکه عدالت تطبیق ایتیلیشیگه طرف ایکنینی ایتگن.

خانم مدلی شونینگ دیک، فرخنده جسدینی موتر بیلن باستیرگن هیداوچی نینگ قولگه آلینیشی کیره کلیگی نی تاکیدله گن.

افغانستان ملی خوفسیزلیک اداره سی کمیده ایکی هفته آلدین بو حادثه ده قولی بولگن بیر کیشی کاپیسا ولایتیده قولگه آلگنینی اعلان قیلگندی.

اوتگن اوچ دوامیده بو محکمه جریانی رسانه لر آرقه لی یقین دن کوزه تیلدی.