بدخشانده بی دره ک یوقالگن 10 نفرپلیس اوز قرارگاهیگه قیتگن

افغانستان ایچکی ایشلروزیرلیگی نینگ معلوم قیلیشیچه اوتگن کونی بدخشان ولایتی نینگ وردوج تومنیده طالبان بیلن امنیتی کوچلر اورته سیده یوزبیرگن جنگده بی درک یوقالگن 10نفر پلیس اوز قرارگاه لریگه قیتیشگن.

بو وزیرلیک چیقرگن بیاناتیده اوشبو توقنه شووده 13نفرپلیس اولیب و17کیشی هم تن جراحتی آلیشگن.

اوتگن کونی بدخشان ولایتی ساغلیقنی سقلش رسمی لری ملی اردو وپلیس کوچلریدن عبارت 16نفر جسدی بو ولایت مرکزیده گی کسلخانه گه آلیب کیلینگنینی ایتگندیلر.

کسلخانه مسووللریدن شاه عبدالله بی بی سی بیلن بولگن صحبتیده بوعسکلرنینگ 2نفری باشی تنه سیدن جدا قیلینگنینی تیلگه آلگندی ومذکور کوچلردن14کیشی هم باشی ضربه کورگنی سبب آمان قالمه گن.

اوتگن کونی بدخشانده گی بی بی سی مخبری محلی رسمی لرو گواه لردن نقل قیلیب ایتیشیچه بو اوروشده افغان کوچلریدن 25نفر بی دره ک یوقالگن.

ایچکی ایشلر وزیرلیگی نینگ بوگونگی نشر ایتگن بیاناتیده بوحادثه ده 35جنگری هم هلاک ایتیلگنی قید ایتیلگن. بولر آره سیده بوگروه نینگ 5مهم قوماندانی هم بولگن.

اوشبو توقنه شووده 8جنگری یره لنگن وایکی قوماندانی هم قولگه آلینگن.

بو بیاناتده کیلیشیچه وردوج تومنیده گی بیرقطار پولیس پوسته لری عصیانچی لر هجومی گه توتیلیب نتیجه ده امنیتی کوچلر بوهجومنی آلدینی آلیشی سبب ایکی تامان تلفات بیرگن.

قریب بیرآی آلدین هم دولت مخالف لری بولایت نینگ جرم تومنیده گی پلیس قرارگاه لریگه شونگه اوخشش هجوم نی عملگه آشیریب نتیجه ده امنیتی کوچلرگه آغیرتلفات ییتکزگندی.