فرخنده نینگ اکه سی: بیز محکمه حکمیدن راضی ایمس میز

Image copyright AFP
Image caption فرخنده نینگ آته و آنه سی

فرخنده نینگ اکه سی مجیب نینگ بی بی سی گه ایتیشیچه، اونینگ عایله سی قتلده عیبلنگنلر باره سیده محکمه نینگ چیقرگن حکمیدن راضی ایمسلر.

فرخنده نینگ قتلیده عیبلنگنلردن تورته سینی محکمه قاضی سی صفی الله مجددی اولیم گه محکوم قیلگن. شونینگ دیک، باشقه سکیز نفر 16 ییل قماق جزاسیگه حکم قیلینگن وقالگن اون سکیز نفر بی گناه تنیلگن.

فرخنده نینگ اکه سی مجیب نینگ بی بی سیگه ایتیشیچه، محکمه نینگ بوگونگی قراری عیبلنگنلر باره سیده سلیقه وی یانده شگنی سبب اولر ناراض بولیشگن. اونگه کوره، قوییب یوباریلگن اون سکیز نفر نیگه جزالنمه گن؟

مجیب گه کوره، حادثه کونی 50 ـ 60 نفر فرخنده نی تاش و کلتک بیلن اوریشگن اولرگه هم جزا بیریلیشی کیره ک.بوگونگی محکمه جریانیده فرخنده نینگ آنه سی بی بی هاجره و آته سی محمدنادر هم اشتراک ایتگن.

فرخنده نینگ آته سی محمدنادر قاضیگه خطابآ:" مین سیزدن عیبلنگنلر گه اسلام شریعتی اساسیده جزا تعیینله شی نی سوره ی من"، دیدی. بی بی هاجره هم قاضیدن عدالت تامینلنیشی نی سوره گن.

Image copyright AFP
Image caption مذکور تورت نفر فرخنده نینگ قتلیده عیبلنیب، اعدام گه محکوم بولگن

محکمه حاضرگه قدر حادثه کونیده محل ده موجود بولگن 19 پولیس اوستیدن حکم صادر قیلمه گن. اما قاضی اولرگه کیله سی هفته یکشنبه کونی حکم چیقه ریشی نی اعلان قیلگن.