قندوز ده توقنه شوولر دوام ایتماقده

Image copyright AFP

رسمیلرگه کوره ،شمال شرقی قندوز ولایتیده دوام ایتب کیله یاتگن اوروش لرده قریب 14 مینگ عایله اوز جایلرینی ترک ایتیشگه مجبور بولگنلر.

قندوز لایتی نینگ قاچقینلر اداره سی مسووللری اوتگن هفته بو رقم یتتی مینگ ایکن لیگینی ایتگن ایدی، حاضر ایسه ایککی برابرکوپیگن.

بورقم باشقه منبع لرتمانیدن تصدیق لنمه گن، محلی اداره لر تیکشرولردن سونگ انیق رقم نشر ایتیلیشینی ایتگن.

قندوز ولایتی پلیس اداره سی باشلیغی نینگ ایتیشیچه، طالبان قوراللی لرینی یوق ایتیش اوچون حربی عملیات قیته دن باشلنگن.

اونگه کوره، بو عملیات پلیس و اردو کوچلری رهبریتی استیده یولگه قوییلگن محلی مسووللرنینگ ایتیشلریچه طالبان گه قرشی باش کوتارگن لرهم امنیتی کوچلربیلن همکاربولگن.

محلی منبع لر عملیات لر جریانیده 29 قیشلاق طالبان قوراللی لردن تازه لنگنینی ایتگن. شوندی بولسه هم قندوز ولایتی نینگ پلیس اداره سی سوزلاوچیسی سید سرور حسینی ایریم قیشلاق لر یوللری هلی هم یاپیق ایکن لیگیدن خبربیرگن. اونگه کوره، یوللرگه طالبان تمانیدن ماین ییرلشتیریلگن وماینلرنی خنثی قیلیش اوچون سعی وحرکت لر باشلنگن.

قندوز پلیس باشلیغی عبدالصبور نصرتی اوتگن کون باشلنگن سونگی عملیات جریانیده 35 عصیانچی اولیب و 29 عصیانچی هم یاره لنگنینی ایتگن.

نصرتی جنابلری هلاک بولگن لر اره سیده بیر عیال داخل سکیز چیت ایللیک هم موجود لیگینی معلوم قیلگن. اما طالبان گروهی افغان امنیتی کوچلری اغیر تلفات کورگنینی ادعا قیلگن.

بو گروه توتیر صحیفه سیده بوکونگی هجومده قندوز شهر یده تورت محلی پلیس هلاک ایتلگنیدن خبربیرگن.

قندوز ولایتی نینگ ولایت حاکمی محمد عمر صافی بی بی سی بیلن بولگن صحبتیده افغان امنیتی کوچلری زمانه وی قورال اینیقسه هوای کوچ بیلن جهازلنمه گنی کتته قینچلیک توغدیرگنینی ایتگن.

قندوز ولایتی نینگ تورلی ولسواللیک لریده نیچه کون دن بیری افغان امنیتی کوچلری و طالبان اره سیده قتیق توقنه شوولر دوام ایتیب کیلماقده. نه فقط قندوز بلکه شمالی باشقه ولایت لر خوف سیزلیگی هم اوتمیشلرگه کوره یمانلشگنی ایتیلماقده.