افغانستان اردوسی زابلده اونلب خارجی جنگری نابود قیلینگنیدن خبر بیرگن

افغانستان جنوبیده گی ملی اردوسی رسمیلری نینگ ادعا قیلیشیچه، اوتکزیلگن حربی عملیات جریانیده اونلب خارجی جنگری نابود قیلینگنلیگی و اسلامی دولت گه تیگیشلی بیر کته مرکز اورته دن یوق قیلینگن.

ملی اردو مسووللری بدر ناملی عملیات دن مقصد یقین ده زابل ولایتی گه کیلیب جایلشگن خارجی جنگریلرنی نابود قیلیشدن عبارت.

قندهار ـ کابل قتناو یوللری خوفسیزلیگینی تامینلش و اوغیرلنگن 31 یولاوچی نی قیدیریش بوعملیات کوزده توتیلگن.

اردوکوچلری هوا آرقه لی بیرتعداد خبرنگارلرنی داعش جنگریلری نینگ اساسی قرارگاهی دیب ادعا قیلینگن محلگه آلیب بارگن.

مذکور مرکز کابل قندهار قتناو یولی آقیمیده جایلشگن زابل و غزنی ولایتلری نینگ شاه جوی و گیلان تومنلری اورته سیده گی تاغلی منطقه ده واقع بولیب، بوندن ایکی آی آلدین هرات دن کابل گه تمان کیله یاتگن 31 مسافر قوراللی نا تنیش شخصلر تمانیدن اوشله نیب نامعلوم جایگه آلیب کیتیلگن.

زابل افغانستان جنوبیده ناتینچ ولایت سنه له دی.