افغانستان جمهور رئیسی جیلانی پوپلنی محلی ارگانلر باشیلغی قیلیب تعیینله دی

Image copyright Arg

افغانستان جمهور رئیسی محمد اشرف غنی جیلانی پوپلنی محلی ارگانلر اداره سی باشلیغی قیلیب تعیینله دی.

اونی تنیشتیریش مراسمی ده اوزی قتنشدی.

غنی جنابلری اوزی پوپل نی بواداره گه تنیشتیریشی ولایت لرنی دقت بیلن نظارت ایتیش اوچون جدی اعتباربیره یاتگنیدن دلالت بیره دی.

محلی ارگان لر اداره سی توغریدن توغری جمهور رئیس نظر آستیده ایشله یدی. وولایت حاکملری، ولایت کینگشی، ولایت لراداری مسووللری وبلدیه لر ایشلرینی نظارت قیلیش مسوولیتی گه ایگه.

پوپل جنابلری بوندن آلدین غنی جنابلری تاماندن مالیه وزیری نامزدی قیلیب تنیشتیریلگندی، اما ملی کینگشدن آواز آلیشگه بارمسدن توریب او بولوزامدن وازکیچدی.

او افغان ملت حزبی اورین باسری و مالیه وزیرلیگی اورین باسری ومحلی ارگان لر باشلیغی بولیب ایش بجرگن.

محلی ارگان لر حکومت نینگ مهم تشکیلات لریدن بولیب و ولایت لر حاکملرینی تعیین لش وبرطرف ایتیش بو اداره صلاحیتیدن حسابلنه دی.

بوندن آلدین بواداره باشیلغی عبدالخالق فراهی ایدی. اوتمیشده دیپلمات هم بولگن. وقریب ایکی ییل پاکستانلیک عصیانچی لر قولیده سقله نردی.

غنی جنابلری پوپل جنابلرینی بو اداره گه اوزی تنیشتیریشی ولایت لرنی دقت بیلن نظارت ایتیش اوچون جدی اعتباربیره یاتگنیدن دلالت بیره دی.

غنی جنابلری جمهور رئیس بولیب تعیین له نیشی بیلن برچه ولایت حاکملرنی فرمان اساسیده سرپرست قیلیب تعیین له دی، حاضر بیرقطار لریدن باشقه همه سی سرپرست بولیب ایشله ماقده لر.

او یقینده سابق ایکی وزیر آصف رحیمی وهمایون عزیزلرنی قندهار وهرات ولایت لریده حاکم قیلیب تعیینله دی.

اما غنی جنابلری ایریم ولایت لر بوجمله دن بلخ ولایتی ده باشقه چه بیر قرار آلیشی ممکن.

بلخ ولایتی حاکمی سرپرستی کمیده 10ییلدن بیری بو ولایت ده حکم سوره دی، مجاهدلرنینگ سابق رهبرلریدن بیری واسلامی جمعیت نینگ مهم رهبرلریدن حسابلنه دی.

ایتیلیشیچه اوتمیشده سابق افغانستان جمهور رئیسی حامد کرزی نور بیلن مناسبتی یامانلشگنده اونی اوز لوازمیدن برطرف ایتیشگه قادر بولمه دی.

غنی جنابلری بیلن نور جنابلری آره سیده تیل تارتیشووی اوتگن جمهور رئیسلیک سیلاو کمپاین لری پیتیده یوزه گه چیقدی، اما نور جنابلری غنی بیلن بولگن اوچره شوویده ملی بیرلیک حکومتی حاکم لر باره سیده هرقنده ی قرارآلگن تقدیرده قبول قیلیشی نی ایتگندی.