اشرف غنی: اوغیرلنگنلر بی پول آزاد ایتیلدی

Image copyright AFP

19بو نفر 31نفر جمله سیدن بولیب، بوندن کمیده ایکی یریم آی آلدین کابل هرات شاه یولی ده قوراللنگن شخص لر تاماندن اوغیرلنگندی. اولر دوشنبه کونی ایرته لب غزنی ولایتی جاغوری تومنیده محلی رسمی لرگه تاپشیریلدی. غنی جنابلری اوغیرلنگنلرنی اعلان ایتیش اوچون یولگه قوییلگن خبری انجمنده آدم اوغیرلاوچیلر بیلن مبادله قیلیش سیاستی نی ایزله مسلیگی نی ایتدی. بوندن آلدین بو 19نفر اوزبیکستان اسلامی حرکتی نینگ 22عایله اعضاسی آزاد ایتیلیشی مقابلیده قوییب یوباریلگنی باره سیده گزارلر نشر ایتیلگندی. اما غنی جنابلری افغانستان قضا اداره لری تاماندن جرمی اثباتلنگن هیچ بیرشخص آزاد ایتیلمه گنینی ایتدی. اونینگ ایتیشیچه، اوتگن قیش موسمیده بدخشانده روی بیرگن قار کوچکیسی ده قربان بولگنلرگه یاردم ییتکزیب بیریش اوچون گروه لر وخوفسیزلیک کوچلرنینگ ییتیب باریشی بیلن، منطقه ده فعالیت قیله دیگن خلق ارا تروریستلر اوزلرینی پارتله تیشده قرار آلگن. غنی جنابلریگه کوره، اولردن قالگن باله لر، بی سرپرست بولیب، افغانستان ملی خوفسیزلیک اداره سی نینگ حمایه سیده بولگن. افغانستان جمهور رییسی شونینگ دیک، ابتدادن گروگانلرنی آزاد ایتیش عملیاتی اونینگ نظارتی آستیده یولگه قویلگنینی ایتگن. بیر قطار مدنی اداره سی و اجتماعی فعاللر، اوتگن ایکی آی ایچیده دولت نینگ جیم تورگنی و اوغیرلنگنلر تقدیری باره سیده معلومات بیرمه گنلیگی خصوصیده قتیق تنقید قیلگن. اما غنی جنابلری اورته گه چیققن تنقیدلرخصوصیده اوغیرلنگنلرنی آزاد ایتیش دن کوره اولرنینگ جانی سقلنیشی مهملیگی نی بیلدیرگن. جمهور رییس قالگن اون ایکی گروگان نی آزاد ایتیشده جوده دقت قیلینیشی ممکنلیگی نی تاکیدله گن. اونگه کوره، قالگن آدملرنینگ آزاد ایتیلیشی اوچون مذاکره لر دوام ایتدیریلیشی ممکن.