جوند تومنی طالبان نظارتیدن قیته دولت تصرفیگه اوتدی

Image copyright f

بادغیس ولایتی جوند تومنی بوکون توش چاغی طالبان نظارتی دن چیقریلدی. جوند تومنی نینگ طالبان نظارتی دن چیقریش عملیاتی بوکون ایرته لب تانگده دولت حربی لری تمانیدن یولگه قوییلدی. بادغیس مرکزی قلعه نو شهریدن 150 کیلومترشرق تمانده جایلشکن جوند تومنی نی طالبان یکشنبه کیچه سی تصرف ایتگندی. بو عملیات نی باشقرگن ظفر قول اردو سی قوماندانی جنرال تاج محمد جاهد بی بی سی بیلن اوتکزگن صحبتی ده دولت کوچلری گه جوند تومنی نی طالبان دن قیته ریب آلیشده منطقه اهالی سی همکارلیگی کتته بولگنی نی معلوم قیلگن. جاهدجنابلری گه کوره بواوروشده طالبانگه آغیر تلفات ییتکزیلیب وقالگن لری منطقه دن قاچیب چیققن. او اوتکزیلگن بوحربی عملیاتده دولت کوچلری گه تلفات ییتمه گنینی ایتگن.

باشقه تاماندن قورالی طالبان هرات ولایتی نینگ شیندند اولوسوال لیگی بازاریگه بوکون ایرته لب هجوم اویوشتریگن. هرات محلی رسمی لری جنگ حاضر بو اولوسوا لیک بازاریده دوام ایتیب باریشی نی تصدیقله گنلر اماکیین راق حادثه تفصیلات لرینی تولیق شکلده اورته گه قوییش لرینی ایتگنلر. اسمی آشکار ایتیلمسلیگی شرطی بیلن بی بی سی گه معلومات بیرگن افغانستان غربیده کی خوف سیزلیک ملازم لریدن بیری گه کوره حاضرچه اوروش اولوسواللیک و شهردار لیک بنا لری همده ملی اردو و پولیس گه تعلق لی بیرقطار پوسته لری خصوصا مالدار، چوک زغالی ، وزیارت پوسته لرشو حاضر ایککی تمان ارا قتیق جنگ لرگه گواه دیر . بو منبع نی معلوم قلیشیچه ایرته لب ساعت ییتی دن باشلنگن بو اوروش عاقبیتده ملی اردو نی تورت عسکری یاره لنگن و طالبان نینگ تلفاتی دن انیق معلومات قولده ایمس لیگی نی تاکیدلشکن. معلومات لرگه کوره شیندند تومنی ده دولت مخالف لریدن قریب 50 قورالی گروه فعال بولیب و بوهجوم نی شوگروه لر اویوشتیرگنی ایتیله دی. هرات ولایتی کنیگاشی سابق نماینده سی و شیندند تومنی اق سقال لریدن بولگن تورمحمد ظریفی نی بی بی سی گه بیرگن معلوماتی گه اساسا شیندند اولوسواللیگی نی برچه ملکی وحربی ملازم ورسمی لری حاضرچه اولوسواللیک، پولیس قوماندان لیگی وشهردار لیک بنا لریگه پناه کیلتیرگن و بازارنی جنوبی خیابان و محل لریده طالبان جایلشکن. ظریفی جناب لری شو حاضر اوروش کوپ راق شیندند بازاری جنوبی ده جایلشکن ملی اردو نینگ کلینک پوسته سی و شهردار لیک بناسی ده دوام ایتیشی نی تیلگه آله دی . هرات شهریدن 120 کیلومترجنوب تمان گه جایلشکن شیندند تومنی بوولایت نی اینگ کتته و کوپ جمعیت لی اولوسواللیگی دیر. افغانستان هوا کوچ لرینی ییریک تعلیمی هوا قونالغه سی هم شو تومن ده جایلشکن . شیندند اولوسواللیگی اوتکن میلادی ییل اخریدن بویان طالبان نینگ شونده ی هجوم لریگه گواه بولیب کیلماقده. طالبان بوندن قریب بیش ای الدین هم عینی شندای بیر گروهی هجوم ده شهر ایچکریسیگه کیریب افغان خوف سیزلیک قوت لری بیلن نیچه ساعت توقنشکندیلر. معلومات لرگه کوره دولت نینگ اکثر قوراللی مخالف لری بو اولوسواللیک نی زیرکوه منطقه سیده جایلشکن. بوندن قریب ایککی هفته الدین ملی اردو کوچ لری زیرکوه و اوکل منطقه لریده حربی عملیات یولگه قویگندی .دولت کوچ لری بو عملیات ده طالبان گه تلفات یتکزیلگنی نی ادعا قیلگندی. شیندند اولوسواللیگی ده دوام ایتیب کیله یاتگن جنگ باره سیده طالبان حاضرگه قدر بیرار نرسه ایتمه گن. جاری هفته اول دن بویان افغانستان غربیده جایلشکن ولایت لر شونده ی ناقرارلیک لرگه گواه بولماقده.