غنی: افغانستان وپاکستان اوتمیشده گی قیلینگن خطالرنی تکرار ایتمه یدیلر

Image copyright ARG

پاکستان باش وزیری محمد نوازشریف بوگون کابلگه قیلگن سفری چاغیده افغانستانده گی دوام ایته یاتگن اوروش لردن تشویش اظهار ایتیب بومملکت امنیتی تهدید ایتیلگن تقدیرده یانیده توریشی نی معلوم قیلگن.

اونگه کوره افغانستانده تینچلیک برقرارله نیشیده طرفدارو بوجریان افغانلر تاماندن باشقریلیشی گه بومملکت تعهدلی بولگن.

عین حالده افغانستان جمهور ریئسی هم اوتمیشده قیلینگن ایکی مملکت کوتاه فکرلیکلری تکرار ایتیلمی وایکی مملکت منفعت وخطرلرده همکارلیک قیلیش لرینی تاکیدله گن.

افغانستان جمهور رئیسی محمد اشرف غنی پاکستان باش وزیری محمد نواز شریف بیلن کابلده اوتکزگن قوشمه خبری انجمنده ایتیشیچه بوایکی مملکت باشقه کوتاه فکرلیک قیلمه یدیلر. اوخطر ومنفعتلر اوستیده همکارلیک قیلیش اوچون پاکستان رسمی لری بیلن کیلیشیلگنینی ایتدی.

او دوست دوستنی قیین شرایطده یانیده توریشینی تیلگه آلدی.

شونینگ دیک غنی جنابلری گه کوره ایکی مملکت خطرلر ومنفعتلر اوستیده قوشمه روشده همکارلیک قیلیش بارسیده کیلیشگنلر.

غنی جنابلری ایکی مملکت نینگ منطقه ده اقتصادی جهتدن اورنی کته لیگی نی ایتیب افغانستان بیلن پاکستان همکارلیک قیلمسدن آسیا اقتصادی حیاتی یخشی لشمسلیگی نی اورغوله دی.

عین حالده پاکستان باش وزیری محمد نواز شریف افغانستانده تینچلیک برقرارله نیشی ایکی مملکت منفعتی ده ایکنینی ایتیب بومملکت دشمنی پاکستان دوستی بوله آلمسلیگینی تاکیدله دی.

شونینک دیک او تینچلیک برنامه سی افغانلر تاماندن باشقریلیشی گه تعهدلی ایکن لیگی نی تیلگه آلدی.

شریف جنابلری افغانستان تینچلیگی نی بوزیش اوچون قیلینگن سعی وحرکتلرنی بومملکت آلدینی آلیشی اوچون حرکت قیلیشی ممکن دیدی.

او افغانستانده گی دوام ایته یاتگن زوره وانلیکلردن تشویش بیلدیریب طالبان تاماندن اوتکزیله یاتگن عملیاتلرنی قاره له دی.

شونینک دیک او ایکله مملکت چیگره چیزیغی دوامیده عصیانچی لرنی یوقاتیش اوچون قوشمه برنامه نی قول اوستیده آلیشلری ممکن لیگینی تاکیدله دی.

پاکستان باش وزیری گه کوره بومملکت افغانستانگه اره لشمه یدی وترقیات ساحه لریده همکارلیک قیلیشی ممکن.

جمهور رئیس غنی قدرتگه کیلیشی بیلن ایکی مملکت علاقه لری یخشی له شیب افغانستان وپاکستان رسمی لر اوز ارا تیز-تیزسفر قیلیشماقده لر.

غنی جنابلری اوتگن بیرنیچه آی جریانیده ایکی مرته پاکستانگه سفر قیلدی.

ایتیلیشیچه پاکستان طالبان اوستیده تاثیری کوچلی بولگن، شوسبب افغانستان دولتی بوگروه نی تینچلیک مذاکره لری گه حاضرقیله دیگن امید بیلن بومملکتگه کوز تیکماقده.