ناتو اوز حضورینی افغانستانده 2016ییلدن کیین هم دوام ایتدیره دی

Image copyright AP

ناتوگه اعضا مملکت لر تورکیه ده یولگه قوییلگن ییغینده ناتومیلادی 2016ییل نینگ اخیریده افغانستاننی ترک ایتمی اوز ناحربی ماموریتینی دوام ایتدیریشی باره سیده کیلیشووگه ایریشگنلر. ناتو باش کاتبی استولتنبرگ بیر یغین ده شونده اعلان ایتدی:"بوگون بیزاوز ماموریتیمیز توگسه هم اوندن کیین دوام ایتیشی ممکن لیگی باره سیده کیلیشدیک" دییدی او اونینگ ایتیشیچه هرچند بوماموریت ناحربی بولیشی، بیراق بیرقسمی حربی ماموریت بولیشی ممکن. قطعی حمایه نامی آستیده بولگن ناتونینگ حاضرگی ماموریتی حربی ماموریتی توگب وچیقیشی آرتیدن باشلندی. کوپچیلیگی امریکالیک بولگن ناتونینگ 12000عسکری ناتوچارچوبه سیده بومملکتده گی امنیتی کوچلرگه تعلیم ومصلحت بیره دی. بوماموریت میلادی 2016ییلده یکونله نیشی کوتیله دی. استولتنبرگ جنابلری افغان کوچلریگه یاردم بیریشدن مقصد اولر اوز آیاغلریگه توریش بولگن دیدی. بو ییل نینگ کوز فصلیده ناتونینگ حربی وناحربی رسمی لری بو ماموریت لایحه سی اوستیده ایش آلیب باریش لری کوتیله دی. تورکیه نینگ آنتالیاده گی بوگونگی ییغین افغان امنیتی کوچلری آلغه سیلجیشلری دوامی وکیله جکده ناتو نینگ افغانستانگه همکارلیک لری دوام ایتیشی اوستیده گی مساله لرگه قره تیلگنی ایتیله دی.

بوگونگی ییغینده افغانستان تشقی ایشلر وزیری صلاح الدین ربانی دن تشقری، جنرال جان کیمبل، قطعی حمایه ماموریتی رهبری وبیرلشگن ملت لر تشکیلاتی ، اروپا اتفاقی، جاپان، جنوبی کوریا وکیللری قتنشگندیلر.