کابل هواقونلغه سی یقینیده یوزبیرگن پارتلشده ایککی نفر هلاک و21نفرهم یره لنگن

Image copyright AFP

افغانستان ایچکی ایشلر وزیرلیگی سوزلاوچیسی صدیق صدیقی نینگ ایتیشیچه، کابل هوا قونلغه سی یقینیده یوزبیرگن پارتلشده ایککی عیال هلاک بولگن و اون سککیز کیشی هم یره لنگن.

شونینگ دیک، صدیقی جنابلری پارتلش کابل هوا قونلغه سی نینگ کیریش یولیده جایلشگن هواشناسلیک خادملری نینگ ایشخانه سی یقینیده یوز بیرگنینی ایتگن.

او اوزی نینگ توتیر صحیفه سیده مذکور پارتلش ده سککیز عیال، یتتی ایرکک و اوچ باله یاره لنگنیدن خبربیرگن.

ایچکی ایشلر وزیرلیگی نینگ باشقه بیر سوزلاوچیسی نجیب دانش، یوزبیرگن هجومده خارجیلرگه تیگیشلی بیر نقلیه واسطه و عادی اهالیگه تیگیشلی ایککی موترگه هم نقصان ییتگنینی معلوم قیلگن.

اروپا اتفاقی پلیسی بو هجوم اولرگه تیگیشلی نقلیه واسطه لریگه قره تیلگنینی تصدیقلب وبوحادثه ده بواتفاققه تیگیشلی کوچلردن بیری هلاک بولیب واوچ نفر هم یره لنگن. بونهاد خبرنامه سی اساسیده یره لنگنلر احوالی یخشی بولگن. اروپا اتفاقی پلیسی افغان پلیس لرینی اورگه تیش ماموریتی بیلن شغللنه دی.

حادثه گواه لریدن بیری هجوم انتحاری ایکنینی ایتگن .

Image copyright AFP

طالبان سوزچیسی ذبیح الله مجاهد اوز تویتر صحیفه سیده یازیشیچه بو هجوم بو گروه نینگ ایشی بولیب بونده ایکی تانک تخریب بولگن و7عسکر هلاک بولیب و5نفراهالی هم یره لنگن

بوندن اوچ کون مقدم هم کابلده گی مهمانخانه لردن بیری نشانگه آلینگندی. مذکور هجوم نتیجه سیده، توقیز چیت ایللیک داخل اون تورت نفر قربان بولگنی تصدیقلندی.