نورستانی: افغانستان پارلمان سیلاولری اوز وقتیده اوتکزیلمه یدی

افغانستان سیلاو مستقل کمیسیونی رییسی یوسف نورستانی نینگ ایتیشیچه، آواز بیرووچیلرنینگ رویخطی موجود بولمه گن تقدیرده، افغانستان دن قلابلیک یوقالیشینی بو و کیینگی کمیسیون دن کوتمسلیک کیره ک.

او خارجی یاردملرنینگ کیسیلیب قالیشی و ملی بیردملیک حکومتی نینگ حاضرسیزلیگی سبب، پارلمان سیلاولری اوز وقتیده اوتکزیلمسلیگی ممکنلیگی نی ایتگن.

سیلاو کمیسیونی رییسی شونینگ دیک، خارجی یاردملرنینگ کیسیلیب قالیشی بیلن کمیسیون نینگ 850 ته خادمی اوز وظیفه لرینی قولدن بیریشی ممکنلیگی نی تاکیدله گن.

یوسف نورستانی گه کوره، ملی بیردملیک حکومتی هم سیلاولر تیزیمیده اصلاحات کیریتیش لایحه سی و بو مسله اوستیده کیلیشووگه ایریشه آلمه گنلیگی سبب، سیلاولر اوتکزیلیشی اوچون لازم تیارگرلیک کورمه گن.

نورستانی جنابلری شونینگ دیک، ملی بیردملیک حکومتی کمیسیون نینگ سیلاولر اوتکزیلیشی وقتی جدولی انتظاملنیشی، خره جت و سیلاو خوفسیزلیگی باره سیده گی تکلیفلریگه جواب قیترمه گن.

اونگه کوره، آواز بیرووچیلرنینگ حقیقی رویخطی موجود بولمه گن حالده، قلابلیک یوز بیرمسلیگی احتمالدن اوزاق.