افغانستان جنوب شرقیده طالبان اونلب تینچ اهالینی اوغیرله گن

Image copyright BBC World Service

پکتیا ولایتی محلی مسووللری نینگ خبر بیریشیچه، بوگون طالبان گه قره شلی شخصلر سیدکرم تومنی نینگ قتناو یولی ده جایلشگن بدم کنده منطقه سیده اونلب یولاوچینی گیروگه آلگن.

پکتیا ولایتی پولیس قوماندانی زلمی اوریاخیل نینگ ایتیشیچه، مذکور شخصلرنی قوتقه زیش اوچون حربی عملیات باشلگن.

اوریاخیل گه کوره، مذکور یولاچیلر بوگون ساعت 9 ده عمومی قتناو یولیده طالبان تمانیدن اوغیرله گن.

پولیس قوماندانی نینگ ایتیشیچه، اولر بو حادثه دن خبر تاپگچ، منطقه گه تیزلیک بیلن خوفسیزلیک کوچلرنی جونتگن و قوتقه زیش عملیاتی باشلنگن.

اونگه کوره، اوغیرلنگنلر آره سیده بیرتعداد کودگلر و عیاللرهم بار.

عین حالده، پکتیا ولایت کینگشی منشی سی اوغیرلنگنلرسانینی 50 ـ 60 نفر اعلان قیلگن.