محکمه فرخنده قتلی ده سست یاندشگن 11پلیس ضابطی نینگ هربیرینی بیرییل قماق جزاسیگه محکوم قیلدی

Image copyright AFP

کابل محکمه سی 11نفر پلیس ضابطی وپلیس خادم لرینی غضبلنگن اهالی آره سیدن قتل ایتیلگن فرخنده نی قوتقزیشده غافل قالگن لیک لری اوچون هربیرینی بیرییل قماق جزاسیگه محکوم ایتدی. کابل نینگ اوچینچی حوزه سیگه تیگیشلی دستلبکی محکمه اون بیر نفردن 5کیشی آره سیده بولگن کابل ایکینچی حوزه سی پلیس آمری حسیب الله نی فرخنده قضیه سیده اوز صلاحیتی دن فایده لنمه گنی باره سیده قوییلگن عیبلاولرگه حجت بولمه گنی سبب آقله دی. بو محکمه رئیسی صفی الله مجددی محکمه قضا هیاتی حکمی نی اعلان قیلیب و ایتییشچه عیبلنگن لردن باشقه 8نفری هم کیره کلی حجت بولمه گنی سبب آقلنگنلر. اونینگ معلوم قیلیشیچه بو 19نفر باره سیده چیقریلگن حکم نهایی بولمی وجزاگه محکوم بولگن شخص لر قاره لاوچیلیک اداره سیگه عریضه قیلیب قیته کوریب چیقیش لری ممکن.

بوندن الدین بومحکمه تورت کیشی نی فرخنده قتلی ده قولی باردیب اعدام جزاسی و8نفرهربیری نینگ 16ییل قماققه محکوم ایتگندی.

آلدینگی محکمه ییغینیده شونینگ دیک فرخنده قتلی گه عاید موضوعگه 18نفرهم گناه سیز ایکنی اعلان ایتیلگندی.

27یاشده بولگن فرخنده جاری ییل نینگ بیرینچی کونی نوروزده ایکی کون قالگنده کابل شهری شاه دوشمشیره زیاتگاهیده قرآن کریم نی یاققن لیککه عیبله نیب غضبلنگن اهالی تاماندن کلتکله نیب، تیاقله نیب وتشله نیب اولدیریلدی وجسدی ایسه یاقیب یوباریلگندی.

فرخنده نینگ قتلی اهالی ودنیا بویلب انسان حق لرینی حمایه ایته دیگن تشکیلات جدی اعتراض لریگه سبب بولیب وکینگ ناراضیلیک لربیلن بیرگه ایدی.

بو مساله باشدن خلق آره سیده، اجتماعی ترماق لر، رسانه لر و افغانستان ایچکریسی وتشقریسیده تورلی ییغین لرده کینگ یاریتیلگندی.