کرزی : حکیم الله محسود گه بولگن هجوم وقتی نا مناسب ایدی

افغانستان جمهور رئیسی حامد کرزی گه کوره پاکستانلیک طالب لر رهبری گه اویوشتیریلگن هجوم مناسب زمانده عملگه آشیرلمه گن

کرزی جنابلری امریکا مجلسی نینگ بیر گروه هیاتی بیلن اوچره شیب محسود جنابلری نینگ هلاک ایتیلگنی پاکستان بیلن تینچ لیک خصوصیده گی سعی وحرکت لرگه سلبی تاثیر قویمسلیگی گه امید بیلدیردی.

جمهور رئیس لیک دفتری تاماندن ترقه تیلگن بیاناتده کرزی جنابلری ینگی دن اسلام آباد دن کابل گه سفر قیلگن امریکا مجلسی دن کیلگن هیات باشلیغی آدام کینزینگر بیلن اوچره شیش جریانیده تینچلیک خصوصیده پاکستان باش وزیری نواز شریف بیلن لنده نتیجه لی صحبت لربولگنی نی ایتیب وحکیم الله محسودگه عملگه آشیریلگن هجوم تینچلیک اوچون بوله یاتگن همکارلیک لرگه ضرر ییتکزمسلیگی نی تیل گه آلدی.

امریکا پولیس اداره سی پاکستانلیک طالب لر رهبری بیت الله محسود نی توتقونگه آلینیشی اوچون معلومات بیریلگن ده 5میلیون دالر ساورین قویگن ایدی.

او جمعه کونی افغانستان چگره سی یقینیده جایلشگن شمالی وزیرستان منطقه سیده امریکا اوچووچی سیزاوچاغی تاماندن هجومگه توتییلب هلاک ایتیلدی.

اوتگن میزان آیی ده افغانستانده، امریکا حربی لری حکیم الله محسود گه یقین بولگن لطیف الله ناملی شخص نی قولگه آلگن ایدیلر.

رسانه لرگه کوره امریکا حربی کوچلری محسود جنابلرینی افغانستان ملی خوف سیزلیک اداره سی دن حبس گه آلگن لر.

نشر ایتیلگن گزارش ده امریکا کوچلری تاماندن عملگه آشگن ایشدن افغانستان جمهور رئیسی ناراض بولگنی ایتیلگن.

افغانستان جمهور رئیسی افغانستان وامریکا آره سیده امضاله نیشی کوتیله یاتگن خوف سیزلیک کیلیشوویده افغان خلقی نینگ امنیت لری تامین له نیب وملی حاکمیت لری کفالت لنگن تقدیرده بو حجت نی امضالش اوچون تیارایکن لیگی نی بیلدیرگن.

افغانستان دولتی بو خوف سیزلیک کیلیشووی باره سیده اهالی مناسبت ومصلحت لرینی اورگه نیش اوچون مصلحتی لویه جرگه اوتکزماقچی. امریکالیک لربو امنیتی کیلیشووتیزراق امضا له نیشی نی سوره ماقده لر، بوبیلن اوشبو کوچلرنینگ کیلگوسی ییلده افغانستان دن چیقیش لری آچیق له نیشی ممکن.