Москвадаги ўзбеклар: “Пулсиз қолдик, қарзга ботдик...”
Мултимедиа ўйнаш бу қурилмада дастакланмайди

Москвадаги ўзбеклар: “Пулсиз қолдик, қарзга ботдик...”

Москва шаҳридаги “Динамо” стадионидаги қурилиш-таъмирлаш ишларида ишлаётган 140 нафардан зиёд меҳнат муҳожирлари ойлаб иш ҳақи берилмаётганлигидан шикоят қилишмоқда.

“Армо-групп” ҳиссадорлик жамияти томонидан қурилиши олиб борилган стадионнинг электромонтаж ишларига “ДВ-Строй” МЧЖ томонидан меҳнат муҳожирларини ишга жалб килинган. Ўзбекистонлик меҳнат муҳожирларининг айтишича, уларнинг иш ҳақини бериш масаласида эса бир неча ойдан буён сансалорлик қилинмоқда.

Ўзбекистонлик ишчилар билан иш берувчи орасида кунига 10 соатдан ишлаб, ўртача 60 000 рубль (1000 доллар) тўланишига оғзаки келишув бўлган. Меҳнат шартномасининг тузилмагани ва ишга қонунан расмийлаштирмаганлик сабабли, ишчилар ўз ҳақларини талаб қилиб ҳам ундира олишолмаяпти.

Ойлаб пул олмаганликдан мигрантларнинг кўпчилиги қарзга ботган, хужжатларининг муддати ўтиб кетган. Уйга пул юбориш у ёқда турсин, ўз тирикчиликлари учун турли кунлик ишларда ишлаб кун кечиришмоқда.

ВВС Ўзбек хизмати мазкур ҳолат юзасидан “ДВ-Строй” МЧЖ иш бошқарувчиси Юрий Каширкин ва “Армо-групп” ҲЖ юристи Алексей Гончаров билан боғланди. Ташкилотлар вакиллари муҳожирлардан қарздорлик ҳолатини тан олмаслигини билдирди.

Ўзбекистон-Россия: янги санкцияларнинг рубль, сўм, мигрантлар - иқтисодга таъсири қандай бўлади?

Россия: Каримовнинг "дангасалари" яна биринчи

Ўзбек мигрантлар ҳаётини Россия қандай яхшилаши мумкин?

Айни пайтда “Динамо” таъмирида ишлаган муҳожирларнинг иш ҳақларини ундириш иши билан мигрантлар учун бепул юрист шуғулланмоқда.

BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek