BBCUzbek.com веб-сайтидан фойдаланиш шартлари

Буюк Британия доирасида ва халқаро миқёсда 'bbcuzbek.com' электрон манзилидан қуйидаги шартлар асосида фойдаланилади: (мазкур веб саҳифада хорижий давлатлардаги интернет фойдаланувчиларининг BBC Worldwide Limited ("BBCW") - Би-би-си тужжорий қанотининг айрим реклама мазмунидаги саҳифаларига ҳам кўзлари тушиши мумкин)

1. bbcuzbek.com га кириш билан сиз мазкур шартларга риоя этишга рози бўласиз. Мазкур шартлар bbcuzbek.com дан илк бор фойдаланишингиздан бошлаб кучга киради. Агар сиз қуйида тақдим этилаётган барча шартларга рози бўлмасангиз, марҳамат қилиб bbcuzbek.com га кирманг, ундан фойдаланманг ва ўз ижод маҳсулларингизни у билан бўлишманг.

2. Би-би-си вақти-вақти билан ўз шартларини ўзгартириб туриши мумкин. Шунинг учун мазкур шартларни мунтазам равишда текшириб туришни унутманг. bbcuzbek.com дан давомий равишда фойдаланишингиз янгиланган ёки тузатиш киритилган шартларни қабул қилганлигингизни англатади. Агар сиз тузатиш киритилган шартларга рози бўлмасангиз, у ҳолда мазкур веб саҳифадан ортиқ фойдаланманг.

bbcuzbek.com саҳифасидан фойдаланиш

3. Сизнинг bbcuzbek.com веб саҳифасидаги материалларни кўчириб босиш, қайта ишлаш, янгитдан чоп этиш, таржима қилиш, интернет фойдаланувчиларига бошқача шаклда тақдим этиш ва улардан шахсий, тужжорий мақсадларда фойдаланишингиз мумкин эмас. Бундан ташқари сиз bbcuzbek.com веб саҳифасидаги бирор бир нарсани шахсий, нотужжорий мақсадлардан ташқари, қайта мослаштириш, ўзгартириш ёки ундан бирор бир ижодий иш қилишда фойдаланмасликка рози бўлишингиз керак бўлади. bbcuzbek.com веб саҳифасидаги материаллардан бошқа бир мақсадларда фойдаланиш фақат Би-би-сининг ёзма розилиги асосида амалга оширилади.

4. Сиз bbcuzbek.com дан фақат қонуний йўлда фойдаланиш, бошқа фойдаланувчиларнинг ҳуқуқларини бузмаслик ва ўзгаларнинг веб саҳифага киришларини чекламаслик, бунга тўсқинлик қилмасликка рози бўлишингиз керак бўлади. Бошқа фойдаланувчиларнинг жиғига тегиш, уларга ҳалақит бериш, номуносиб, ҳақорат мазмунидаги хабарларни етказиш ва Би-би-си форумларининг одатий фаолиятига тўсқинлик қилиш тақиқланади.

Муаллифлик ҳуқуқи

5. Би-би-си ёки учинчи томонни акс эттирувчи номлар, тасвирлар, логотиплар, шунингдек, уларнинг маҳсулотлари ва хизматлари муаллифлик ҳуқуқи, Би-би-си ёки учинчи томоннинг тархи ва савдо белгиларига бўлган ҳуқуқлари билан ҳимояланган. Мазкур шартларда кўзда тутилмаган ҳеч бир нарса Би-би-си, BBCW ёки учинчи томоннинг савдо белгиси, тархи ёки муаллифлик ҳуқуқига имкон берувчи бирор бир рухсатнома сифатида талқин этилмаслиги керак.

bbcuzbek.com фаолиятида иштирок этиш

6. Би-би-сининг фаолиятида (ҳар қандай матн, фото тасвир, чизма, аудио ва видео материаллар дохил) иштирок этиш билан сиз Би-би-си (дунё бўйлаб ҳар қандай хизматлари, шу жумладан, хорижий фойдаланувчилар киришга имконли бўлган веб саҳифалари) га улардан текинга, ўзи истаган шакл (амалий ва таҳририй нуқтаи назардан мослаштириш дохил) да фойдаланиш кафолатини беришга рози бўлишингиз керак. Муайян шарт-шароитларда Би-би-си уларни ишончли учинчи томон билан бўлишиши ҳам мумкин.

7. Муаллифлик ҳуқуқи сизнинг ихтиёрингизда қолади ва бизга берган рухсатингиз эксклюзив деб саналмайди, шу сабабдан ҳам улардан бошқаларга ҳам фойдаланишга рухсат бериш дохил ўзингиз истаган шаклда фойдаланишда давом этишингиз мумкин бўлади.

8. Би-би-си сизнинг ижод маҳсулингиздан фойдаланиши учун унинг ўз ишингиз эканини тасдиқлашингиз, материалингиз бўҳтон мазмунида бўлмаслиги, Буюк Британияда амалда бўлган барча қонунларга мос келиши , юқорида тилга олиб ўтилган мақсадларда Би-би-сига фойдаланиш учун бериш ҳуқуқига эга бўлишингиз ва материалингизда номи ошкор бўлиши мумкин бўлган ҳар қандай шахс ҳамда ёши 16 ёшдан кичик бўлганларнинг ота-онаси ёки қаровчисининг розилигига эга бўлишингиз керак.

9. Биз одатда сизнинг ижодий маҳсулингизни сизнинг ихтиёрингизга қараб, ўз исму шарифингиз билан берамиз. Бирок айрим амалий сабабларга кўра бу ҳар доим ҳам имконли бўлмаслиги мумкин. Би-би-си материалингиз ёки муайян лойиҳа юзасидан маъмурий ва ҳуқуқий сабаблар туфайли сиз билан боғланиши мумкин. Сиз билан қачон ва қандай алоқага чиқишимиз борасида батафсилроқ маълумот олмоқчи бўлсангиз, Би-би-сининг "Махфийлик сиёсати" ва ҳар қандай хос ички шартлари билан танишинг.

10. Илтимос, Би-би-си билан баҳам кўрмоқчи бўлган материалингизни қилаётганингизда ўзингиз ва бошқаларнинг ҳаётларини хавф остига қўйманг, таваккалчилик қилманг ва қонунга зид иш тутманг.

11. Агар сиз юқорида келтириб ўтилган шартлар асосида Би-би-сига ўз ижод маҳсулингиздан фойдаланишга рухсат бермасангиз, марҳамат қилиб, уларни bbcuzbek.com билан бўлишманг.

*Агар материалингиз кундалик хабар билан боғлиқ бўлса, Би-би-си уларни уммонортидаги ҳамкорлари билан баҳам кўриши мумкин. Уларнинг барчаси обрўли хорижий оммавий-ахборот воситалари бўлиб, ижод маҳсулингизни бирор бир шаклда ўзгартириш ёки уни Буюк Британиядаги бошқа оммавий-ахборот воситаларига беришлари тақиқланган.

bbcuzbek.com форумлари

13. bbcuzbek.com нинг муайян форумларида иштирок этиш ёки унда ўз фикрингизни қолдириш истагингиз бўлса, у ҳолда bbcuzbek.com да қайддан ўтишингиз керак бўлади. Қайддан ўтиш жараёнининг бир қисми ўлароқ bbcuzbek.com га берилган ҳар қандай шахсий маълумот Би-би-си нинг "Махфийлик сиёсати" доирасида тўпланади, сақланади ва фойдаланилади.

14. Сиз bbcuzbek.com форумларида қуйида келтириб ўтилаётган Форум қоидалари асосий фойдаланишга рози бўлишингиз керак бўлади. Мазкур қоидалар Би-би-сига тегишли барча веб саҳифалар ва хизматларга тааллуқлидир. Ўз навбатида, сиз ўзингиз фойдаланаётган муайян веб саҳифанинг ички қонун-қоидалари билан ҳам танишиб чиқишингиз лозим, чунки уларда Форум қоидаларининг ички тартиблари бўлиши эҳтимоли ҳам йўқ эмас:

(i) Изоҳ қолдириш ҳақида

Қолдирадиган изоҳингиз одоб доирасидан чиқмаган, дидли ва айни мавзуга мос бўлсин.

Ўз-ўзини қўпорувчан, ҳақоратли мазмунда, ҳужумкор тутилишига йўл қўйилмайди: Ёзиб қолдириладиган изоҳ ёки шарҳ конструктив ва хушмуомала бўлиши шарт, пасткаш мазмунда ёки нотинчлик келтириб чиқариш мақсадини кўзламаган бўлиши лозим.

Қонунга зид, номақбул мазмундаги ёзувлар мумкин эмас: қонунга зид, бехавотирликка сабаб бўлувчи, обрў-эътиборни тўкадиган, суистеъмол этадиган, таҳдид уйғотувчи, зиён етказадиган, ахлоқсиз, ҳаддан зиёд очиқ шаҳвоний, жинсий ёки ирқий ҳақоратли ёки бошқа номақбул материаллар қабул қилинмайди.

Хушмуомала бўлинг: боиси bbcuzbek.com веб саҳифасидан турли ёшдаги инсонлар фодаланишади.

Спамсимон ёки муҳокама мавзусига алоқаси йўқ материалларга йўл қўйилмайди: Биз бир хил ёки ўхшаш мазмундаги изоҳ-шарҳларнинг кўп марта тарқатилишига рухсат бермаймиз. Илтимос, ўзингизнинг изоҳ-шарҳингизни бир муҳокамадан бошқасига йўлламанг, ёки бир мавзуда муҳокама кетаётган форумга алоқаси йўқ материални жойлаштирманг.

Эълон ёки реклама мазмунидаги материаллар тақиқланади.

Олдиндан ошкор этилишига йўл қўйилмайди: Мисол учун ҳали телевидениеда намойиш этилмаган фильм сюжети мавжуд материал эълон қилинмайди.

Саҳифа ўзбек тилида бўлгани учун бошқа тилдаги изоҳ ёки шарҳлар ўчириб ташланади.

Бошқанинг номидан фойдаланиш мумкин эмас.

Тахаллус ёки фойдаланувчининг номи номаъқул (қўпол, ҳақоратли ва ҳоказо) бўлмаслиги шарт.

URL(Интернет саҳифалар манзил)ларига уланиш(линк)ларнинг эълон этилишига рухсат этилмайди. Агар сиз муҳокама мавзусига алоқадор Интернет саҳифасини билсангиз, форум модераторини бохабар этинг. Агар модератор мақсадга мувофиқ топса, у эълон қилиниши мумкин.

Шикоят тизимини суистеъмол қилишга рухсат этилмайди. Шикоят тизимини такрор-такрор суистеъмол қилаётган иштирокчи рўйхатдан ўчирилади.

(ii) Сиз Би-би-си форуми иштирокчиси сифатида:

Бир неча номларда форум иштирокчиларига халақит қилиш ёки бошқа фойдаланувчиларнинг ғашига тегилишига йўл қўйилмайди.

Барча иштирокчилардан ўзларининг ҳақиқий электрон почталари манзиллари билан рўйхатдан ўтишлари талаб этилади. Бу иштирокчига форум модерациясига тааллуқли электрон мактублар юбориб турилиши мумкин.

Агар кимдир бошқа бировнинг электрон почтаси билан ёхуд вақтинчалик электрон почта манзили билан рўйхатдан ўтса, бу иштирокчи огоҳлантиришсиз рўйхатдан ўчирилади. Агар кимдир мавжуд бўлмаган электрон почта манзилидан фойдаланаётганини аниқласак, биз бундай иштирокчидан ҳақиқий маълумот талаб қиламиз.

Би-би-си кимнингдир Прокси IP(Internet Protocol манзил)дан фойдаланиб, бир неча Би-би-си форуми иштирокчиси сифатида кўринишга уринаётган иштирокчи ёки бир мамлакатда туриб, ўзини бошқа мамлакатдан қилиб кўрсатаётган иштирокчини рўйхатдан ўчириш ҳуқуқини ўзида сақлаб қолади.

(iii) Хавфсизлик:

Биз сизга ўзингизга тегишли ёки бошқа бировники бўлган ҳар қандай маълумотлар(мисол учун, яшаш манзили, телефони ёки мобил телефони, э-мейл манзили ёки кимнидир таниб олишга имкон берадиган ҳар қандай маълумот)ни ошкор этмасликни маслаҳат берамиз. Бу ўзингизнинг ва бу ердаги хизматлардан фойдаланаётган ҳар бир инсон хавфсизлиги учун муҳимдир.

(iv) Ҳуқуқий талаблар:

Сиз bbcuzbek.com веб саҳифасига бирор бир шаклдаги туҳматона ва қонунга зид изоҳ-шарҳни юбориш ҳуқуқига эга эмассиз. Бу нарса ҳар қандай матн, сурат, видео ва/ёки аудио материалга тааллуқли. Ноқонуний амалларни бажариш ёки шу мақсаддаги хабарларни юбориш қатъий тақиқланади.

Сиз ўзингиз қолдирган изоҳ, мақола ва суратларга муаллифлик ҳуқуқига эгасиз. Бироқ шу билан бирга сиз қуйидаги шаклда Би-би-сига бу ҳуқуқларингизни беришга розилик берасиз. Сиз Би-би-си ёки учинчи шахснинг муаллифлик ҳуқуқи билан боғлиқ, савдо белгисига тегишли ҳуқуқлари, касбий сирлари, шахсий ҳаётига тааллуқли ҳуқуқлари, шахс ва мулкий ҳуқуқларини бузиш, ноқонуний ўзлаштириш ва камситишга ҳаққингиз йўқ.

(v) Агар сиз 16 ёшдан кичик бўлсангиз:

Би-би-си форумларида иштирок этишдан илгари ота-онангиз ёки сиз учун масъул шахсдан рухсат олишингиз талаб этилади.

Сиздан ўзингиз ёки бошқа бировга тегишли бирорта ҳам шахсий маълумотнинг(мисол учун, мактаб номи, телефон рақами, ё ўзингизнинг тўлиқ исм-шарифингиз, уй ёки электрон почтангиз манзили)ни ошкор этмаслик талаб қилинади.

(vi) Агар сиз форум қоидаларини бузсангиз:

Агар иштирокчи сифатида бу ерда тилга олинган талаб ва қоидаларни бузсангиз, сизга электрон мактуб юборилади ва нега сизнинг изоҳ ёки шарҳингиз рад этилгани ёхуд таҳрир қилингани хабари берилади. Ушбу электрон мактубда қоидаларни бузишнинг давом эттирилиши сизнинг иштирокчи сифатида сизга нисбатан чора кўрилишига олиб келиши мумкинлиги ҳақида огоҳлантириш ҳам берилади.

Бу чора сиз юборган ҳар қандай изоҳ-шарҳ веб саҳифага қўйилишидан илгари текшириб кўрилиши, сизнинг би-би-си форуми иштирокчиси сифатида вақтинча ёки доимий рўйхатдан ўчирилишингиз сингари амалларни кўзда тутиши мумкин.

Сиз Би-би-сининг ҳар қандай веб саҳифасига ҳақоратли ё номақбул изоҳ-шарҳ юборсангиз ёхуд тарқатсангиз ва Би-би-си бу каби ўз-ўзини тутишни жиддий ва/ё такрорланаётган деган қарорга келса, Би-би-си бундай ҳуқуқбузарликка чек қўйиш мақсадида ўзида мавжуд барча маълумотларни ишга солиши мумкин. Бу амаллар тегишли учинчи томонлар, мисол учун сизга иш берувчи, сизнинг мактабингиз ёхуд электрон почтангиз провайдерига ҳуқуқбузарлик ҳақида ахборот беришни ҳам назарда тутиши мумкин.

Би-би-си ҳар қандай изоҳ-шарҳни ўчириб ташлаш, ҳар қайси иштирокчига нисбатан ҳар қандай вақт, ҳар қандай сабаб билан чора кўриш ҳуқуқини ўзида сақлаб қолади.

Рад этиш ва масъулиятни чеклаш

15. bbcuzbek.com веб саҳифасида эълон қилинган изоҳ-шарҳларнинг аксарини жамоатчилик вакиллари ёзадилар. Бу нуқтаи-назарлар муаллифларники ва Би-би-си жамоатчилик вакиллари қолдирган ҳар қандай фикр ёхуд bbcuzbek.com орқали танишиш имкони бўлган ҳар қандай учинчи томон фикрлари учун жавобгарликни ўз зиммасига олмайди. bbcuzbek.com веб саҳифасида учинчи томон веб-саҳифасига уланиш берилиши Би-би-си томонидан ўша томонни маъқуллашни англатмайди. Ва ўша сайтлардан фойдаланиш ҳар бир шахснинг ўзига ҳавола ва ўша шахснинг ўзи бунинг учун масъулдир.

16. bbcuzbek.com веб саҳифасидаги ҳар қандай материаллар, шу жумладан, ҳар қандай ахборот, исмлар, суратлар, акслар рамзлар ва Би-би-сига тааллуқли белгилар, Би-би-си маҳсулотлари ва хизматларига алоқадор белгилар “ҚАНДАЙ БЎЛСА ШУНДАЙ” ва “МАВЖУД” тамойили асосида тақдим этилади. Қонун билан рухсат этилган даражада Би-би-си барча вакиллик ва кафолатни соқит қилади, булар жумласига назарда тутилган қониқарли сифат учун кафолат, муайян мақсадлар учун яроқлилик, ҳуқуқни бузмаслик, мослик, хавфсизлик ва аниқлик тамойиллари киради. Би-би-си веб саҳифа ёки бошқа ҳар қандай материалнинг ўз муддатида бўлиши, ниҳоясига етказилиши ёхуд бажарилиши учун кафолат бермайди. Айни пайтда биз Би-би-си томонидан тақдим этилган барча материалар эълон қилинган вақтида тўғри эканига кафолат беришга интилиш билан бирга ҳар қандай хато, нотўғри маълумот учун Би-би-си масъулиятни ўз зиммасига олмайди.

17. Бу шартлар Би-би-сининг исботланган бепарволиги туфайли юз берган ўлим ёки олинган жароҳат учун Би-би-си масъулиятини чекламайди ёки соқит қилмайди. Би-би-си ҳеч қачон қуйидаги йўқотишлар(бу йўқотишлар атайдан қилинган-қилинмагани, башорат қилиш мумкин бўлган-бўлмагани, аён бўлгани-бўлмаганидан қатъи назар) учун жавобгар бўлмайди: (a) маълумотларнинг йўқотилиши; (b) даромад ёки кутилаётган фойдани йўқотиш; (c) бизнесдан ажралиш; (d) имкониятдан ажралиш; (e) яхши ният ёки обрўнинг тўкилиши; (f) учинчи тараф томонидан содир этилган йўқотиш; ёки (g) bbcuzbek.com дан фойдаланиш натижасида қандай амал бўлишидан қатъи назар юзага келган ҳар қандай тўғридан-тўғри бўлмаган, мантиқий келиб чиқадиган махсус ёки намунавий йўқотиш.

18. Би-би-си bbcuzbek.com веб саҳифаси фаолиятда узилиш бўлмайди ё хатолардан холи бўлади, аниқланган дефектлар тузатилади, ёки bbcuzbek.com ёки унга боғланиш имконини берадиган сервер вирус ёки дастурий хатолардан холи бўлади деб кафолат бермайди. Сизнинг маълумотларингиз ва маҳсулотингиз аниқ бўлиши учун зарур махсус талабларингизни қондириш учун зарур амалларни бажариб туриш ва вирусларни текшириб туриш(шу жумладан, вирусга қарши дастурлар ва бошқа хавфсизлик мақсадидаги текширувларни амалга ошириш) учун ўзингиз маъсул эканингизни эътироф этишингиз талаб қилинади.