'Suriya prezidentligi muhokama etilmaydi'

Image copyright epa

Suriya Tashqi Ishlar vaziri Valid Muallim prezidentlik va parlament saylovlari haqidagi har qanday suhbat 'qizil chiziq' bo‘lib, muzokaralarni to‘xtatadi, deb aytgan muxolifat bilan Jenevadagi tinchlik uchrashuvidan oldin.

Janob Muallim shuningdek, "muxolifat 24 soat davomida hozir bo‘lmasa, hukumat hay‘ati yakshanba kuni Jenevadagi tinchlik muzokaralarida qatnashmaydi", deb aytgan Damashqdagi matbuot anjumanida.

Suriya muxolifatiga ko‘ra, 'Tashqi Ishlar vaziri Jenevadagi muzokaralar boshlanmasidan oldin uni to‘xtatishga urinmoqda'.

Image copyright Reuters

BMT maxsus elchisi Staffan de Mistura ham, boshqasi ham Suriyada prezidentlik saylovlari haqida gapirishga haqqi yo‘q. Bu faqat Suriya xalqining huquqi, deydi mamlakat tashqi ishlar vaziri.

Uning so‘zlariga ko‘ra, xalqaro kelishuvlarga binoan, BMT elchisiga Suriyaning ichki muzokaralari kun tartibini tasdiqlash huquqi berilmagan.

Bundan tashqari hukumat hay‘ati Suriyaning bo‘linishi va federallashuv masalalarini muhokama qilishga qat‘iy qarshi.

Biz Suriya hududi va xalqlarining birligi, Suriya mustaqilligi tarafdorimiz, deb aytgan Valid Muallim.

Muallim ta‘kidlashicha, Suriya hukumati avvalgidek muxolifat bilan muzokaralarga tayyor, biroq 1 kun ichida muxolifat vakillari Jenevaga yetib kelmasa, ortiq kutilmaydi.

Kuni kecha Suriyaning asosiy muxolif guruhi- Muzokaralar bo‘yicha Oliy qo‘mita 14 martga mo‘ljallangan Jeneva muzokaralariga borishini ma‘lum qildi.

Fevral oxirida Suriya hukumati va Suriya muxolifati Rossiya va AQSh vositachiligida otashkesimga kelishdi.

Image copyright Reuters

Biroq otashkesim "Islomiy davlat", Nusra fronti kabi jangari guruhlarga taluqli bo‘lmaydi.

Shanba kuni AQSh Davlat kotibi Jon Kerri otashkesimdan so‘ng Suriyada zo‘ravonliklar 80-90 foiz kamaygani, tinchlik kelishuviga umuman olganda amal qilinayotgani haqida bayonot berdi.

Biroq muxolifat hukumat kuchlarini kelishuv shartlariga to‘liq rioya qilmayotganlikda ayblagan. "Boshqa tomon haqiqatdan unga rioya qilganda, Assad rejimi bu kelishuvdan o‘z manfaatlari uchun foydalanishi mumkin emas", deydi AQSh rasmiysi.

Shanba kuni Rossiya va AQSh vakillari Ummon va Jenevada Suriya muxolifatining shikoyatini muhokama qilishga yig‘iladilar.

  • Bi-bi-si O‘zbek xizmati bilan Whatsapp, Telegram va Viber orqali bog‘lanishni istasangiz, telefonimiz:+44 78-58-86-00-02.
  • TELEGRAMDA ESA kanalimiz - https://telegram.me/bbcuzbek
  • Instagram - BBC UZBEK
  • Twitter BBC UZBEK
  • Odnoklassniki BBCUZBEK
  • Facebook BBC UZBEK
  • Google+ BBC UZBEK
  • YouTube - BBCUZBEK (https://www.youtube.com/user/bbcuzbek)
  • Skype - uzbekbbclondon

Сурия Ташқи Ишлар вазири Валид Муаллим президентлик ва парламент сайловлари ҳақидаги ҳар қандай суҳбат 'қизил чизиқ' бўлиб, музокараларни тўхтатади, деб айтган мухолифат билан Женевадаги тинчлик учрашувидан олдин.

Жаноб Муаллим шунингдек, "мухолифат 24 соат давомида ҳозир бўлмаса, ҳукумат ҳайъати якшанба куни Женевадаги тинчлик музокараларида қатнашмайди", деб айтган Дамашқдаги матбуот анжуманида.

Сурия мухолифатига кўра, 'Ташқи Ишлар вазири Женевадаги музокаралар бошланмасидан олдин уни тўхтатишга уринмоқда'.

БМТ махсус элчиси Стаффан де Мистура ҳам, бошқаси ҳам Сурияда президентлик сайловлари ҳақида гапиришга ҳаққи йўқ. Бу фақат Сурия халқининг ҳуқуқи, дейди мамлакат ташқи ишлар вазири.

Image copyright Reuters
Image caption Сурия мухолифати ва Ғарб Сурия келажаги Ассадсиз бўлиши керак, дейди.

Унинг сўзларига кўра, халқаро келишувларга биноан, БМТ элчисига Суриянинг ички музокаралари кун тартибини тасдиқлаш ҳуқуқи берилмаган.

Бундан ташқари ҳукумат ҳайъати Суриянинг бўлиниши ва федераллашув масалаларини муҳокама қилишга қатъий қарши.

Биз Сурия ҳудуди ва халқларининг бирлиги, Сурия мустақиллиги тарафдоримиз, деб айтган Валид Муаллим.

Муаллим таъкидлашича, Сурия ҳукумати аввалгидек мухолифат билан музокараларга тайёр, бироқ 1 кун ичида мухолифат вакиллари Женевага етиб келмаса, ортиқ кутилмайди.

Куни кеча Суриянинг асосий мухолиф гуруҳи- Музокаралар бўйича Олий қўмита 14 мартга мўлжалланган Женева музокараларига боришини маълум қилди.

Image copyright Reuters

Феврал охирида Сурия ҳукумати ва Сурия мухолифати Россия ва АҚШ воситачилигида оташкесимга келишди.

Бироқ оташкесим "Исломий давлат", Нусра фронти каби жангари гуруҳларга талуқли бўлмайди.

Шанба куни АҚШ Давлат котиби Жон Керри оташкесимдан сўнг Сурияда зўравонликлар 80-90 фоиз камайгани, тинчлик келишувига умуман олганда амал қилинаётгани ҳақида баёнот берди.

Image copyright AFP

Бироқ мухолифат ҳукумат кучларини келишув шартларига тўлиқ риоя қилмаётганликда айблаган. "Бошқа томон ҳақиқатдан унга риоя қилганда, Ассад режими бу келишувдан ўз манфаатлари учун фойдаланиши мумкин эмас", дейди АҚШ расмийси.

Шанба куни Россия ва АҚШ вакиллари Уммон ва Женевада Сурия мухолифатининг шикоятини муҳокама қилишга йиғиладилар.

  • Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз:+44 78-58-86-00-02.
  • ТЕЛЕГРАМДА ЭСА каналимиз - https://telegram.me/bbcuzbek
  • Instagram - BBC UZBEK
  • Twitter BBC UZBEK
  • Odnoklassniki BBCUZBEK
  • Facebook BBC UZBEK
  • Google+ BBC UZBEK
  • YouTube - BBCUZBEK (https://www.youtube.com/user/bbcuzbek)
  • Skype - uzbekbbclondon

Bu mavzuda batafsilroq