Ҳомид Карзайнинг ўтган 13 йиллик бошқарув даврига назар

Ҳомид Карзай 13 йил ичида муваққат ҳукумат, кейин ўтиш даври ҳукумати раҳбари бўлди, икки бор эса, сайланган президент сифатида фаолият қилди. Орадан ўтган 13 йил унинг қиёфасида ўз изини қолдирди.

Сурат тагсўзи,

Ҳомид Карзай 13 йил олдин Афғонистоннинг муваққат жумҳур раиси этиб тайинланганди. Ўшандан бери Карзай жаноблари муваққат ҳукумат, кейин ўтиш даври ҳукумати раҳбари бўлди, икки бор эса, сайланган президент сифатида фаолият қилди. Орадан ўтган 13 йил унинг қиёфасида ўз муҳрини қолдира борди.

Сурат тагсўзи,

2001 йил 5 декабрида Олмониянинг Бонн шаҳрида ўтказилган йиғинда Афғонистон ҳукуматини Ҳомид Карзайга топшириш қарори олинди. Карзай жаноблари бу хабарни Афғонистон жанубидаги Урузгон вилоятида олди.

Сурат тагсўзи,

Ҳомид Карзай ўша йилнинг 18 декабрида Афғонистоннинг сўнгги шоҳи билан Римда учрашди. Шоҳ Карзайга Қуръони Карим нусхасини ҳадя қилди.

Сурат тагсўзи,

2001 йилнинг 22 декабрида Ҳомид Карзай Афғонистоннинг жиҳодий раҳбарлари ва сиёсатчилари ҳузурида қасамёдга келтирилди. Толибон ҳукумати ағдарилиши ортидан қудратни қўлга олган Бурҳониддин Раббоний вазифани Ҳомид Карзайга топширди. Афғонистон тарихида илк бор қудрат тинч йўл билан бошқа бир президентга ўтди.

Сурат тагсўзи,

Бир йилдан сўнг, у фавқулодда чақирилган Лоя Жиргада иштирок этиб, овоз берди. Жиргада Ҳомид Карзай Афғонистоннинг ўтиш даври ҳукумати раҳбари ўлароқ қабул қилинди.

Сурат тагсўзи,

Бир муддат муваққат, яна бир муддат ўтиш даври ҳукуматини бошқариши ортидан Ҳомид Карзай Афғонистонда ўтган 2004 йилги илк президентлик сайловида ўз номзодини қўйди. У 17 рақибни енгиб, сайловда ғалабани қўлга киритди.

Сурат тагсўзи,

Шундай қилиб, Ҳомид Карзай 2004 йил декабрида Афғонистон президенти сифатида қасамёдга келтирилди. Карзай жаноблари мамлакатда кенг тарқалган коррупция, миллий бирдамлик ҳукумати тузиш, давлат мухолифлари билан муросага бориш ва хавфсизлик кучларини ташкил қилиш каби қатор муаммолар қаршисида қолганди.

Сурат тагсўзи,

Афғонистон ҳукумати Американинг қирувчи учоқлари ёрдамида барпо этилди. Аммо, Ҳомид Карзай ҳукумати даврида икки мамлакат орасидаги муносабатлар пасту баландликлардан иборат бўлди. Мана бу расм 2006 йил Америка президентининг Афғонистонга қилган сафари чоғи олинган.

Сурат тагсўзи,

Карзай жаноблари ҳукумат тепасида экан, президентлик саройида вилоятлар раҳбарлари ва қавмлар оқсоқоллари билан кўплаб йиғинлар ўтказди. Афғонлар орасида миллий бирдамликни қарор топтиришга ҳаракат қилди.

Сурат тагсўзи,

Ҳомид Карзай Афғонистоннинг турли вилоятларига турфа режалар билан сафар қилди. Карзай жаноблари 300 мингдан ортиқ аскари бўлган афғон хавфсизлик кучларини учрашаркан, уларни кучли ва жасур дея олқишлаганди.

Сурат тагсўзи,

Жаноб Карзай аксар пайтлар қавм бошлиқлари, мужоҳидлар ва дин олимлари билан учрашиб, Афғонистоннинг хорижий давлатлар билан алоқалари ҳақида уларга маълум қилиб турарди.

Сурат тагсўзи,

Ҳомид Карзай 2009 йилги президентлик сайловларида ҳам иштирок этди. Турли баҳсу мунозаралар, тортишувларга сабаб бўлган сайловда ҳам у ғолиб дея эълон қилинди ва яна бир давра президент сифатида фаолият юритди.

Сурат тагсўзи,

Ҳомид Карзай президентлик даврида кўплаб хорижий давлатларга расмий сафарлар билан борди, дунё раҳбарлари билан учрашди. У бир мамлакат билан дўстлик бошқасига зиён етказмайди деган сиёсат асосида кўплаб мамлакат билан алоқалар ўрнатишга ҳаракат қилди.

Сурат тагсўзи,

Икки томон ва уч томон иштирокидаги йиғинларда жаноб Карзай қўшни давлатлар билан муносабатларни яхшилашга уринди. Покистон, Эрон, Туркия ва Марказий Осиё давлатлари билан террорга қарши курашга қаратилган йиғинларда қатнашди.

Сурат тагсўзи,

2011 йил Ҳомид Карзай иккинчи Бонн йиғинида иштирок этди. У Афғонистоннинг ўтган 10 йиллик ютуқларини халқаро давлатлар билан бирга кўриб чиқди ва мамлакатнинг келажакдаги эҳтиёжлари бўйича турли талабларни илгари сурди.

Сурат тагсўзи,

Ҳомид Карзай мамлакат ичкарисида ҳам парламент ва адлия тизими билан муносабатларини яхшилашга уринди. Аммо, унинг парламент билан алоқалари доим зиддиятли бўлиб келган.

Сурат тагсўзи,

Карзай жаноблари 2014 йилги президентлик сайловида иштирок этиб, овоз берди.

Сурат тагсўзи,

Аммо, Афғонистоннинг сўнгги сайловлари жанжалли бўлди. Америка ва Бирлашган Миллатлар Ташкилоти рақиб номзодлар ўртасида келиб чиққан келишмовчиликларни ҳал қилиш учун ўртага тушишди. Ниҳоят икки номзодни миллий бирдамлик ҳукумати ташкил қилишга кўндирдилар. Ҳомид Карзай ҳам Афғонистондаги мужоҳид раҳбарлар ва давлат мулозимлари билан учрашиб, икки номзод ўртасидаги келишмовчиликларни бартараф этишга ҳисса қўшди.

Сурат тагсўзи,

Икки номзод миллий бирдамлик ҳукумати барпо этишга келишар экан, Карзай уларни муборакбод этди ва келгуси ҳукуматга бир фуқаро сифатида ёрдам беришга тайёр эканини билдирди. Бу сурат икки номзод орасидаги келишувдан сўнг олинган.