کابلده گی محکمه لردن بسیری جنایتچی بیرگروه رهبرینی اعدام جزاسیگه محکوم ایتدی

Фото муаллифлик ҳуқуқи Thinkstock

ملی خوف سیزلیک بیاناتیده کیلیشیچه محکمه رئیس خدایدادنینگ همکارلریدن بیرینی 20ییل قماققه وباشقه 3نفری هربیری 7ییل قماق جزاسیگه محکوم ایتگن.

افغانستان ملی خوف سیزلیک اداره سی اوز فیس بوک صحیفه سیده رئیس خدایدادنینگ محکمه ایتیله یاتگن جریانیدن آلینگن اودیوصورتنی نشرایتگن.

محکمه نامعلوم محلده اوتکزیلیب بواویدیوده ده قاره لاوچی بیلن قاضی صورتری کورسه تیلمه گن.

اوشبوتسمه ده قاره لاوچی رئیس خدایدادنی قطار اوغیرلیکلر، قتل، جنایتچی بیرگروه رهبری ایکنی و تجارلر وتنیقلی شخص لردن پول آلیشگه قولی بارلیککه عیبله دی.

اوتگن ییلی سپتمبرآیی افغانستان ملی خوف سیزلیک اداره سی 36ساعت دوام ایتگن کینگ عملیات آرقه لی جنایتکارگروهی تنیلگن رئیس خدایدادنی ایکی یولداشی بیلن قولگه آلگنی نی اعلان ایتگن ایدی.

افغان امنیتی رسمی لری رسانه لرگه چیقیب اونی قتل وآدم اوغیرلش حاللریگه قولی بارلیککه عیبله گن ایدیلر.

شونینگ دیک افغان امنیتی رسمی لری رئیس خدایداد قولگه آلینمسدن الدین مملکت بویلب تورلی ولایت لرده تورلی کیملیک بیلن سفرده بولگنینی معلوم قیلگندیلر. وعین دمده او نیچه مملکت نینگ ساخته پاسپورتگه ایگه بولگن.

ملی امنیت قولگه کیلتیرگن معلومات لری اساسیده رئیس خدایداد اوشلنمسدن آلدین پاکستان، تاجیکستان، بیرلشگن عرب امیرلیگی ده سفرده بولیب تورگن. تاجیکستان وخلق ارا پلیس تعقیبی آستیده بولگن.

او اون ییلدن بیری افغانستان پلیسی تعقیبی آستیده ایدی.

اما بواودیوده رئیس خدایدادنی حمایه ایتووچی وکیل باریوقلیگی ومحکمه حکمی نی قبول قیلگنمی یا قیته کوریب چیقیلیشی نی طلب قیلیبمی معلوم ایمس.