Ўзбекистон: Мирзиёев Ўзбекистони Каримов сиёсатидан йироқлашмоқдами?

Мирзиёев Каримов эмас ва Ўзбекистон Каримов даврига қайтмайди.

Ўзбекистон Ташқи ишлар вазири Абдулазиз Комилов ғарб матбуотига ана шундай баёнот берган.

Жаноб Комиловнинг Германияда чиқадиган «Süddeutsche Zeitung» (Зюддойче Цайтунг) нашрига айтишича, Каримов даврида "ҳеч ким сиёсатни тўғрилаш учун ҳеч нарса қила олмаган. Ҳатто бундай мавзуни муҳокама этиш қийин бўлган".

Каримов даврида ҳам узоқ йиллар мамлакат ташқи сиёсат маҳкамасини бошқарган 71 ёшли Комилов Ўзбекистоннинг янги раҳбарияти ўз тарихида мисли кўрилмаган очиқлик ва эркинликка интилаётгани, бошланган ўзгаришлар эркин сайловларни ҳам ўз ичига олишини таъкидлаган.

Бу Шавкат Мирзиёв ҳукумати вакилининг Ислом Каримов қолдирган сиёсий мерос ва ўзи танлаган янгича сиёсий курс борасида ҳозирга қадар қилган энг очиқ баёнотидир.

Хўш, бу баёнот нимани англатади? Ўзбекистон Каримов давридан қанчалик узоққа кетди ва кетмоқда?

Мирзиёев Ўзбекистонни қайси йўлдан ва қаерга олиб бораётир?

Бу ва бошқа саволларни Истанбулдан мухолифатдаги "Эрк" демократик партияси раиси Муҳаммад Солиҳ ҳамда Тошкентдан Ўзбекистон мустақил босма оммавий ахборот воситаларини қўллаб-қувватлаш ва ривожлантириш жамоат фонди директори Саид-Абдулазиз Юсуповлар билан муҳокама қилдик.

Бошловчи - Паҳлавон Содиқ.

BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek