Америка ва дунё: Жорж Флойдни ўлдирган полиция бошқармаси тарқатиб юборилади

АҚШ бўйлаб Жорж Флойднинг ўлими ортидан бошланиб кетган норозилик намойишлари манзарасида ҳодиса юз берган Миннеаполис шаҳар кенгашининг 13 аъзоси шаҳар полиция бошқармасини тарқатиб юбориш ва ўрнига "жамоат хавфсизлигининг янги модели"ни тузишни таклиф қилишди.

4 июнь куни Флойд билан хайрлашиш маросимида унинг тобути олдида тиз чўккан шаҳарнинг демократ ҳокими Жейкоб Фрайнинг резолюцига қарши чиқиши унинг уйи олдида тўпланган оломоннинг норозилик хайқириқларига сабаб бўлди.

Нафас ололмаяпман: Америка ҳозир ҳам ирқчими?

Америка полицияси шафқатсизлиги дунёни ларзага солмоқда

SpaceX ракетаси парвози, ёнаётган АҚШ шаҳарлари, карантинни юмшатаётган Ҳиндистон Dunyo O’zbekiston

Аммо полицияни тарқатиб юбориш тарафдори бўлган маҳаллий кенгаш депутатларининг сони ҳокимнинг ветосини ошиб ўтиш учун етарли.

Йиллар давомида полиция бошқармасининг тугатилиши учун кампания олиб борган фаоллар шаҳар кенгашидаги овоз беришни бурилиш нуқтаси, деб аташмоқда.

Аввалроқ суд-тиббиёт экспертизаси Жорж Флойднинг ўлими қотиллик натижаси, деган хулосани берган эди.

'Covid-19 дан ҳам ёмон вирус'

Дунё бўйлаб минглаб одамлар ирқчилик ва полициянинг зўравонликларига қарши намойишларга чиқишган.

Деярли барча намойишлар тинч ўтган, фақат Лондонда якшанба куни кечга яқин бош вазир қароргоҳи жойлашган Даунинг- стритда намойишчилар полиция билан тўқнашган.

23 нафар полиция ходимлари жароҳат олгани хабар қилинади.

Аксар намойишчилар қўлқоп ва ниқобларни тақийб чиқишган.

Айримлари "Дунёда Covid-19 ҳам ёмонроқ вирус бор, бу - ирқчиликдир" деган шиорларни кўтаришган.

Францияда ирқчилик ва полиция зўравонлигига қарши намойишларда 20 мингдан ортиқ одам иштирок этган.

Дунё бўйлаб намойишлар Жорж Флойднинг Миннеаполисда полиция томонидан ҳибсга олиниши тасвирлари акс этган видео интернетда тарқаши ортидан бошланиб кетган.

Унда полиция ходими Флойдни бўғиб ўлдиргани яққол кўринади.

Флойд қуролсиз ва қўли кишанланган ҳолда ерда ётарди.

Полиция ходими уни тиззаси билан томоғидан қарийб 9 дақиқа босиб турган.

Флойднинг "нафас ололмаяпман", деган сўзларига қулоқ солмаган.

Полиция ходими одам ўлдиришда айбланмоқда, унинг уч нафар ҳамкасби эса шерикликда.

АҚШда намойишлар ортидан бошланиб кетган тартибсизликлар пасайгани туфайли якшанба куни эрталаб хавфсизлик чоралари юмшатилган.

Душанба куни Флойд туғилиб ўсган Техас штатининг Хьюстон шаҳрида яна бир видолашув маросими режаланган. Унда минглаб одамларнинг иштирок этиши кутилмоқда. Оилавий дафн маросими сешанба кунига белгиланган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek