Ўзбек ТВ: 'Музейлардан ноёб асарлар ўғирланган'

Фото муаллифлик ҳуқуқи none
Image caption Суратлар Ўзбекистон телевидениеси намойиш этган лавҳадан олинди

Ўзбекистон телевидениеси Миллий Хавфсизлик Қўмитаси Тошкент ва Нукусдаги санъат музейларидан қимматбаҳо санъат асарлари ноқонуний сотилганига оид ишларни аниқлагани борасида хабар берган.

"Ахборот" кўрсатуви Ўзбекистон Давлат санъат музейи ва Нукусда жойлашган Савицкий номидаги музейларидан лавҳалар намойиш этган.

Лавҳада у ердаги ходимлар ноёб суратларни миллиард-миллиард сўмга пуллаганлари айтилган.

Телевидение мухбирининг хабар қилишича, Ўзбекистон Давлат санъат музейи қўриқчиси "умумий ҳисобда 47 ярим миллиард сўмлик" картиналарни ўғирлагани ҳамда қалбакилаштирган.

Худди шунингдек, лавҳада Савицкий номидаги музейдан ҳам тасвирлар намойиш этилган ва қиммабаҳо санъат асарлар йўқолгани даъво қилинган.

Айни ўринда мазкур қонунбузарликлар устидан жиноий иш очилиб, музей ходимлари жазолангани айтилди.

Фото муаллифлик ҳуқуқи none
Image caption Суратлар "Ахборот" лавҳасидан олинди

Ўтган ой Қорақалпоғистон Маданият вазирлиги музей директори Мариника Бобоназаровани тўсатдан ишдан бўшатганди.

Би-би-сига гапирган Бобоназарова хоним ўзининг ишдан четлатилишини "ноқонуний" дея қоралаган ҳамда бўшаш тўғрисидаги аризасини босим остида ёзганини айтганди.

У ўз қўли остидаги коллекциядан қимматбаҳо асарларни ўғирлагани ва уларни сохталари билан алмаштиргани борасидаги айбловларни "асоссиз" ва "бемаъни" дея таърифлаганди.

Мариника Бобоназарованинг ишдан олиниши Ғарб матбуотини ҳам ўзига тортган ва кўплар бу амални қоралаб чиқишган.

"Ахборот" кўрсатуви намойиш этган лавҳа қисқартирилган ҳолда берилмоқда

Мултимедиа ўйнаш бу қурилмада дастакланмайди

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

Бу мавзуда батафсилроқ