Озарбайжон президенти ўз хотинини вице-президент қилди

Озарбайжон Президенти Илҳом Алиев ўз рафиқаси Меҳрибон Алиевани вице-президент лавозимига тайинлади.

Меҳрибон Бакиеванинг янги лавозимга тайинлангани президентнинг интернет саҳифасида эълон қилинди.

Илҳом Алиев нефтга бой Озарбайжонни отаси - собиқ президент Гейдар Алиев 2003 йилда ўлганидан бери бошқариб келади.

52 ёшли Меҳрибон Алиева - депутат, шунингдек, Гейдар Алиев жамғармасига раҳбарлик қилади.

Меҳрибон Алиеванинг хайрия тадбирлари Озарбайжон давлат матбуотида кенг ёритиб келинади.

Бироқ, инсон ҳуқуқлари фаоллари Президент Алиевнинг хур фикрли журналистлар ва мухолифатга босими, ҳамда давлат идораларидаги коррупцияни қаттиқ қоралайдилар.

Сентябрь ойида жаноб Алиев референдум ўтказиб вице-президент лавозимини ташкил қилди ва президентлик муддатини 5 йилдан 7 йилга узайтирди.

Ўтган йил матбуотга сирқиб чиққан АҚШ дипломатик ҳужжатларида Меҳрибон Алиева депутат бўлишига қарамай, сиёсий масалалар борасидаги маълумоти ночор экани айтилган.

Бу ҳужжатларда унинг дабдабали ҳаёт, мода ва косметик жарроҳлик амалиётларига бўлган қизиқиши мазах қилинган.

Унинг отаси Ариф Пашаев Озарбайжоннинг энг бадавлат тадбиркорларидан биридир.

Меҳрибон ва Илҳом Алиевнинг уч фарзанди бор.

Би-би-си Ўзбек хизмати билан Whatsapp, Telegram ва Viber да: +44 78-58-86-00-02.

ТЕЛЕГРАМДА ЭСА каналимиз - https://telegram.me/bbcuzbek ёки BBCUZBEK

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

bbcuzbek.comга тўсиқ бўлса, uzbekweb.netга киринг