Таксичи Путин ёки Россия президенти Совет Иттифоқи қулаганидан яна афсусда - Россия ва Украина video dunyo yangiliklar
Сурат манбаси, Getty Images
Путин янгича русумдаги "Лада"ни синаб кўрмоқда
Путин Совет Иттифоқи қулаши - тарихий Россиянинг парчаланиши бўлганини айтди.
Ўша пайтда ўзининг ҳатто тунлари таксичилик қилишига тўғри келганини эслади.
Аммо унинг бу афсуси Россия президентининг Украинага кўз тикаётганига оид гап-сўзларни янада кучайтириши мумкин.
Совет Иттифоқининг қулаши жиддий иқтисодий муаммоларни пайдо қилган.
Аксарият россиялик ҳам рўзғорини тебратиш учун пул топишнинг янгича йўлларини излашга мажбур бўлган.
Путин Украина шарқидаги вазиятни нега геноцидга қиёслади - Россия ва Украина
Таҳлил:
Алоқадор мавзулар:
Путин ва Украина
Россия ҳозир Украина билан чегарасида 100 мингга яқин ҳарбийсини тўплагани ишонилади.
Худди шу манзарада Россия Украинага бостириб кирмоқчи, деган қўрқув ва хавотирлар бор.
Аммо расмий Москва ўзининг бундай нияти борлигини расман рад этиб келади.
Россия, аксинча, Украинани иғвогарликда айблайди.
Киевдан Натонинг шарққа қараб кенгайишига йўл қўймаслиги борасида кафолат истайди.
"Сўнгги тарих"
Путиннинг афсус-надоматлари якшанба куни эфирга узатилган ва "Сўнгги тарих", деб номланган ҳужжатли филмда янграган.
Унинг айтишича, Ғарб ўшанда Россиянинг янада парчаланиши фақатгина вақт масаласи эканига ишонган.
Путин шу пайтгача ҳам Совет Иттифоқининг қулашини фожеа сифатида кўриб келган.
Аммо ўшанда ўзининг ҳам пул топишга қийналиб, таксичилик қилганини илк бор гапириши.
"Гоҳида пул ишлашимга тўғри келган. Киракашлик қилганман. Бу ҳақда гапиргим келмайди. Аммо, бахтга қарши, шунақаси ҳам бўлган", - деб айтган Россия президенти.
Таксичилик
Ўша пайтларда Россияда таксилар кўп бўлмаган.
Кўпчилик ўзининг шахсий машинасида киракашлик қилиб, пул топган.
Шу йўл билан амал-тақал қилиб, кун кечирган, рўзғорини тебратган.
Айримлар эса, мажбурликдан, ҳатто "Тез ёрдам" машиналарида ҳам таксичилик қилган.
Путин КГБ нинг жосуси бўлгани маълум.
Аммо 90-йиллар бошларида Санкт-Петербург мэри Анатолий Собчак билан бирга унинг идорасида ишлаган.
Путин СССРнинг биринчи ва сўнгги президенти Михаил Горбачёвга қарши уюштирилган 1991 йилги давлат тўнтаришидан сўнг ўзининг КГБдан кетганини таъкидлаб келади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
