BBC navigation

Афғон аскари тўрт нафар НАТО зобитини отиб ўлдирган

Сўнгги янгиланиш 20 январ 2012 - 09:43 GMT

НАТО таркибидаги француз қўшинлари шу йил охирида Афғонистонни тарк этиши кутилади

Кобул шимолидаги Каписа вилоятида Афғонистон армияси аскари франциялик ҳарбийларга қарата ўт очган.

Улардан тўрт киши ҳалок бўлган, 16 нафари яраланган. Француз ҳарбийлари воқеа жойида афғон аскарини қўлга олишганини айтишмоқда.

Тўрт аскари ўлдирилганини тасдиқлаган НАТО эса ҳодиса борасида қўшимча маълумот бергани йўқ. Ушбу ҳужум ортида ким тургани ва ё афғон аскари Толибон тарафидан ёлланган бўлганми ё йўқми, деган саволлар ҳам очиқ қолмоқда.

Сўнгги ҳужум содир бўлган Тағоб туманида ҳали ярим йил илгари ҳам беш нафар франциялик аскар худкушлик ҳужумида ўлдирилганди.

Ҳозир НАТО кучлари таркибида Афғонистонда жойлаштирилган 3 ярим мингдан кўпроқ француз аскарлари жорий йил охирида чиқиб кетишни бошлашлари керак.

Афғон аскарлари тарафидан хорижий кучларга қарата ўт очиш сўнгги йиллари бир неча маротаба кузатилган. Кўп ҳолларда бу аскарлар аслида Толибон ёллаган жангарилар, деб айтилади.

Биз билан боғланинг

* Тўлдириш шарт бўлган жойлар

.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.