Apple ширкати кунига 30 мингдан iPhone 6 сотган

Фото муаллифлик ҳуқуқи Reuters

Apple маҳсулотлари савдоси ширкатга кварталда 18 млрд доллар даромад келтирган. Бу Apple учун мутлақ тарихий рекорд ҳисобланади.

Ширкат таҳлилчилари фикрича, бундай натижага iPhone 6 телефонларини савдога чиқарилиши боис эришилган.

Фото муаллифлик ҳуқуқи Getty

2014 йилнинг охирги кварталида дунёда 74,5 млн бундай смартфонлар сотилган. Бу кунига 30 мингдан тўғри келади деганидир.

iPhone 6 га энг кўп талаб Хитойда кузатилган. Хитойда 2013 йилга солиштирганда Apple маҳсулотлари савдоси 70 фоиз ошган.

Фото муаллифлик ҳуқуқи XINHUA

Apple раҳбари Тим Кукнинг айтишича, смартфонларга талаб "бутунлай оламшумулдир".

Айни пайтда, iPad лар савдоси ўтган йилга нисбатан 18 фоизга тушган.

Фото муаллифлик ҳуқуқи XINHUA

Молиявий ҳисобот эълон қилингач, АҚШ ёпиқ биржаларида Apple акциялари баҳоси 5 фоизга кўтарилган.

Apple ширкати Хитой бозорининг улкан имкониятларидан тўлиқ тарзда фойдаланишга эришди, деб таъкидлайди Би-би-си таҳлилчиси Ричард Тейлор.

Шунингдек, ноутбук бозорида нархларнинг ўсиши ҳамда қизиқарли моделларни Apple маҳсулотларидан анча арзонга таклиф этадиган ишлаб чиқарувчилар билан кучли рақобат планшетлар билан боғлиқ муаммоларни кўпайтиради.

Фото муаллифлик ҳуқуқи AP

Кучли рақобат Appleни ўзига хос янги маҳсулотларни ишлаб чиқаришга урғу беришга ундайди.

"Тишланган олма" мухлислари сабрсизлик билан ақлли соатлар- Apple Watchлар ишлаб чиқарилишини кутишмоқда.

Фото муаллифлик ҳуқуқи Getty

Ақлли соатлар- Apple Watch апрелда савдога чиқарилади, дейди Тим Кук.

Ҳозирча бундай соатлар нархи 349 доллар туриши ҳақида маълумот аниқ холос.

Таҳлилчиларга кўра, ширкатнинг ашаддий мухлислари анчайин баланд нархда бўлган маҳсулотни иккиланмай сотиб оладилар.

Соатнинг техник имкониятлари ошкор этилмаган. Бироқ февралда чиқарилиши керак бўлган соат намойиши апрелга қолдирилиши ундаги баъзи техник муаммолар билан боғлиқ бўлиши мумкин, деган хабарлар тарқалган.

Ширкат бу миш-мишларга изоҳ бермаган.

Би-би-си Ўзбек хизмати билан Whatsapp орқали боғланишни истасангиз телефонимиз - +44 7858 860002

Бу мавзуда батафсилроқ