'Кемадаги 100 муҳожир озиқ-овқат устидан ўлдирилган'

Image caption Омон қолганларга кўра, муҳожирлар пичоқланган, осилган ва сувга улоқтирилган

Индонезияда чўкаётган кемадан қутқариб қолинган муҳожирларнинг Би-би-сига айтишларича, 100га яқин одам охирги озиқ-овқат устидан келиб чиққан жангда ўлдирилган.

Омон қолганлар даҳшатли шароитлар ҳақида гапириб беришган.

Қочқинлардан уч нафарининг айтишича, кемадагилар пичоқланган, осилган ёки сувга улоқтирилган.

700 нафар бирмалик ва бангладешлик муҳожирлар ҳозирда Индонезиянинг Ачех минтақасидаги қочқинлар жамлоғига жойлаштирилган.

Би-би-си мухбири Мэтью Пэйшенс Лангса бандаргоҳида қутқарилганлардан баъзилари билан суҳбатлашган.

Унинг айтишича, ҳозирда муҳожирларнинг сўзларини мустақил манбаълардан тасдиқлашнинг имкони йўқ.

Аммо уларнинг ҳикоялари ноқонуний муҳожирларни олиб бораётган кемаларда юз берган ҳодисалар борасида матбуотда пайдо бўлган бошқа хабарларга ўхшаш.

Муҳожирлар Малайзия соҳилига тушмоқчи бўлишган, аммо Малайзиянинг ҳарбий-денгиз кучлари уларга тўсқинлик қилган.

Бирма ҳукумати муҳожирлар инқирози учун масъул эмаслигини айтмоқда.

БМТ Бирма ҳукуматига муҳожирларга ёрдам беришни сўраб, мурожаат этган.

Таиланд эса, муҳожирлар инқирозига чек қўйиш мақсадида жануби-шарқий Осиёдаги 15 давлат раҳбарлари саммитини ўтказишга чақирган.

Бу саммит 29 май кунига режалаштирилмоқда.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

Бу мавзуда батафсилроқ