Масжидул Ҳарамдаги фожеада 100 дан ортиқ зиёратчи ҳалок бўлган

Фото муаллифлик ҳуқуқи AP

Саудия Арабистони расмийлари хабар қилишларича, Макка шаҳридаги Масжидул Ҳарамга кўтарма крани қулагани оқибатида камида 107 инсон ҳаётдан кўз юмган, 230 дан ортиқ зиёратчи жароҳатланган.

Фожеа дунё мусулмонлари учун энг муқаддас масжид, ичида Каъба жойлашган Масжидул Ҳарам зиёратчиларга тўла пайтда, маҳаллий вақт билан 17:23 да рўй берган.

Қурилиш кранининг Масжидул Ҳарамнинг шарқий қисмига қулашига тезлиги соатига 83 километргача чиққан кучли шамол, қаттиқ ёғингарчилик сабаб бўлган деб кўрилмоқда.

Саудия ҳукумати Масжидул Ҳарам майдонини кенгайтириш ишларини бошлаганига икки йил бўлди.

Қурилиш ишларининг яна ўн кундан кейин бошланадиган Ҳаж зиёрати бошлангунича якунига етказиш мўлжалланган.

Шу кунларда бутун дунёдан юз минглаб мусулмонлар Ҳаж зиёрати учун Саудияга отланганлар.

Фото муаллифлик ҳуқуқи Reuters

Масжидул Ҳарам ишчиларидан бирининг "Франс Пресс" ахборот агентлигига айтишича, агар кран қулаган жойда "Ал-Таввоф" кўприги бўлмаганида қурбонлар сони бундан ҳам кўп бўлиши мумкин экан.

"Ал-Таввоф" Каъбани ўраб турган тўрт бурчак шаклидаги Масжидул Ҳарамнинг шарқий қисми назарда тутилади.

Оғир кран масжид шарқий қисмини сезиларли даражада вайрон қилган, Масжидул Ҳарам полида чуқурлик ҳосил бўлган.

Саудия расмийлари ҳалок бўлган инсонларнинг қайси мамлакат ватандоши экани ўрганилаётганини айтмоқдалар.

Бироқ Ҳиндистон ҳукумати ўзларининг тўққиз ҳамюрти фожеада ҳалок бўлгани ҳақида хабар тарқатган.

Яраланган инсонлардан айримларининг аҳвол оғир экани хабар қилинмоқда.

Фото муаллифлик ҳуқуқи AFP

Фото муаллифлик ҳуқуқи AP

Фото муаллифлик ҳуқуқи Reuters

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

Your contact details
Disclaimer

Бу мавзуда батафсилроқ