Alexis Sanchez ti fi Arsenal silẹ, to si darapọ mọ Man Utd

Alexis Sanchez Image copyright Getty Images
Àkọlé àwòrán Alexis Sanchez ti gba bọọlu wọle sinu awọn fun igba ọgọrin lọdun 2014

Agbabọọlu iwaju fun ikọ Arsenal, Alexis Sanchez ti darapọ mọ ẹgbẹ agbabọọlu Manchester United, oun si ni wọn fi n paarọ Henrikh Mkhitaryan.

Ẹgbẹ agbabọọlu Manchester United ti ra Alexis Sanchez lati ikọ Arsenal eyiti wọn fi n paarọ pẹlu Mkhitaryan.

Sanchez, to jẹ ẹni ọdun Mokandinlọgbon ati agbabọọlu iwaju fun ikọ agbabọọlu orilẹede Chile, ti buwọlu iwe adehun lati darapọ pẹlu ikọ agbabọọlu Manchester United pẹlu owo toto miliọnu mẹrinla pọun fun ọdun mẹrin ati aabọ.

Sanchez yoo wọ asọ agbabọọlu Keje gẹgẹ bi ẹgbẹ agbabọọlu Manchester United se polongo rẹ lori itakun agbaye, Twitter.

Ninu ọrọ rẹ, Alexis Sanchzs sọ pe inu oun dun lati darapọ mọ ikọ agbabọọlu to "yege julo lagbaye" ati wipe iwuri lo je fun oun lati je ọmọ orilẹede Chile, ti yoo kọkọ gba bọọlu fun ikọ Manchester United.

Sanchez ti gba bọọlu wọnu awọn nigba Ọgọrin fun ikọ Arsenal, lati igba to ti kurọ ninu ẹgbẹ ikọ Barcelona lọdun 2014.

Image copyright Getty Images
Àkọlé àwòrán Mkhataryan ti farahan ni igba mẹtalelọgọta fun ẹgbẹ agbabọọlu Manchester United

Wayi o, Mkhataryan to je ọmọ ọdun mọkanlelọgbọn naa ti kuro ninu ẹgbẹ agbabọọlu Manchester United, to si lọ si ẹgbẹ agbabọọlu Arsenal. O ti gba bọọlu sinu awọn ni igba mẹtala ninu ifarahan metalelọgọta to se lori papa fun ikọ agbabọọlu Manchester United.

Igba mẹwa nikan ni Mkhitaryan ti se afihan ninu idije Premier League lasiko yi, ti iroyin si sọ wipe, eyi ri bẹẹ nitori aigbọraẹniye to waye laarin rẹ ati adari ikọ agbabọọlu Manchester United, Jose Mourinho.

Orukọ awọn agbabọọlu to ti kuro ninu ikọ Arsenal lọ si ẹgbẹ Manchester:

  • Emmanuel Adebayor, wọn ta fun ikọ Manchester City ni miliọnu mẹẹdọgbọn pọun (£25m) losu keje ọdun 2009
  • Kolo Toure, wọn ta fun Manchester City ni miliọnu mẹrinla pọun. (£14m) losu keje ọdun 2009
  • Gael Clichy, wọn ta fun Manchester City ni miliọnu meje pọun (£7m) losu keje ọdun 2011
  • Samir Nasri, wọn ta fun Manchester City ni miliọnu mẹẹdọgbọn pọun (£25m) losu kẹjọ ọdun 2011
  • Robin van Persie, wọn ta fun Manchester United ni miliọnu mẹẹdọgbọn pọun (£25m) losu kẹjọ ọdun 2012
  • Bacary Sagna, wọn ta fun Manchester City laigba kọbọ losu kẹfa ọdun 2014.