#Povertydie: Ọlamide YBNL fi orin kojú àdúrà sí ìṣẹ́

Olamide Adedeji Image copyright Olamide Adedeji
Àkọlé àwòrán Ọ̀pọ̀ àwọn olólùfẹ̀ rẹ̀ ni wọ́n ti ń gbóríyìn fún orin náà, gẹ́gẹ́ bí orin àdúrà tí àwọn èèyàn nílò lásìkò yìí

Awọn ololufẹ Olamide Adedeji tu sori itakun ayelujara lati gboriyin fun awo orin to ṣẹṣẹ

Ṣe ẹ ko gbagbe Ọlamide Adedeji, bẹẹni gbajugbaja olorin takasufe ti ọpọ mọ si Ọlamide YBNL? O dabi ẹni pe ọna afadura jagun ni o n tọ bayii.

Ko si si ohun meji ti o n gbadura ti bayii ju iṣẹ ati iya lọ.

Ninu awo orin rẹ tuntun to pe ni "Poverty Die" lo ti gbe ohun adura ki iṣẹ ku dide. Gbogbo awọn ololufẹ rẹ ti wọn ti n gbọ orin yii ni wọn ti n gboriyin fun un pe orin to ba bi nnkan ṣe n lọ lorilẹede Naijiria lọwọlọwọ ni.

Àwọn iròyin tì ẹ leè ní ìfẹ̀ síí:

Fun apẹrẹ, Ọgbẹni Tolu Fadairo ni " adura aarọ ojojumọ ni eyi, orin atigbadegba ni..."

Amb Paul Cole Chiori ni tirẹ ni, 'Orin yii ni a o fi ṣe igbadun asiko ọdun keresimesi..."

Adebayọ Victor pẹlu ko gbẹyin pẹlu bi o ṣe sọrọ pe orin yii gan an lo tọ fun gbogbo ẹgbẹ akọrin ijọ bayii fun kikọ ni ile ijọsin wọn.

Orin ti Ọlamide gbe sita naa ti o pe akọle rẹ ni 'Poverty die' eyi to tumọ sí 'ìṣẹ kú' ni Ọlamide ti fihan pe oun pẹlu ko kọ adura paapaa lati gbogun ti iṣẹ.

Olamide Baddosneh ṣe ìdárò ìyá rẹ̀ tó d'olóògbe

Image copyright Baddosneh/Instagram
Àkọlé àwòrán Ikú ìyá nàá ṣe kòǹgẹ́ ọjọ́ ìbí ọmọ rẹ̀

Gbajú gbajà akọ̀rin tàkasúùfe, Olamide tí gbogbo èéyàn mọ̀ sí Baddosneh pàdánù ìyá rẹ̀ lọdun 2018.

Ikú ìyá nàá ṣe pẹ̀kí ǹ pẹ̀kí ayẹyẹ ọjọ́ ìbí ọmọ Olamide tó kò lánàá.

Baddosneh kéde ìṣẹ̀lẹ̀ tó ba ni lọ̀kàn jẹ́ ọ̀hún lójú òpó ìbánidọ́rẹ́ẹ̀ Instagram rẹ̀ lana pẹ̀lú àkòrí "Orisa bi Iya o si".

Olamide àti DJ Enimoney lo àwòrán dúdú lójú òpó Instragram wọn láti ṣe ìdárò ìyá wọn.

Awọn ọ̀rẹ́, tó fi mọ́ alájọṣiṣẹ́pọ̀ àti olólùfẹ́ rẹ̀ ti ń ránṣẹ́ ìbánikẹ́dùn si i, ti wọ́n si n gbadùrà pe Ọlọrun yòó dúró ti i.

Ọmọ mẹ́ta ló gbẹ̀yìn ìyá nàá; Olamide tó fi mọ́ ẹ́gbọ́n rẹ̀ obìnrin àti DJ Enimoney.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionÀbẹ̀wò Macron: Iṣẹ́ Fela kò le parẹ́