Prostate Cancer: 82% ọkùnrin ní kó mọ̀ pé òun ní àìsàn jẹjẹrẹ asẹtọ ní Naijiria

Aworan aisan jẹjẹrẹ Image copyright Getty Images
Àkọlé àwòrán Aisan jẹjẹrẹ asẹtọ Ọkunrin lo wọpọ julọ ni ilẹ Geesi

Iwadii ti fihan pe ida mejilelọgọrin ọkunrin lorilẹede Naijiria ni ko mọ pe awọn ni aisan jẹjẹrẹ asetọ nitori wọn ko se ayẹwo.

Iwadii naa fihan pe ọpọlọpọ awọn ọkunrin naa ni ko mọ nitori wọn ko se ayẹwọ ni asiko eyi to si yọri si iku fun awọn ẹlomiran.

Iwadii naa ti ile isẹ imọ PinkBlue ṣe fi han wi pe o seesẹ ki ọkunrin kan laarin awọn ọkunrin mẹrin o ni aisan jẹjẹrẹ asetọ.

Amọ wọn fikun wi pe sisẹ ayẹwo fun ọkunrin to ba ti pe ẹni ogoji ọdun yoo dẹkun ọpọlọpọ awọn eniyan to n ku latari aisan naa.

Bakan naa ni wọn wa parọwa si ijọba lati ri wi pe wọn ṣe agbekalẹ awọn ibudo ayẹwo ti awọn ọkunri to ba ti to ẹni ogoji ọdun ti le se ayẹwo ni kiakia.

Amin Aisan jẹjẹrẹ asẹtọ Ọkunrin

  • Ki itọ o ma joni nidi ti Ọ̀mọkunrin ba fe tọ
  • Isoro lati le tọ tabi lati da itọ duro nigba ti Ọ̀mọkunrin ba nsẹyọ
  • Ki Ọ̀mọkunrin ma tọ nigbakugba loru
  • Ailemu itọ duro
  • Ki itọ o se tabi ki o ma jade daradara
  • Ki Ọ̀mọkunrin o ma tọ itọ ẹjẹ
  • Ki ẹsẹ ati ibi Ọ̀mọkunrin o ma wu
  • Irọra ni ibadi, ẹsẹ ati ika ẹsẹ
  • Irọra ninu egungun to le jasi ki eegun o run

Aisan jẹjẹrẹ asẹtọ ọkunrin n paniyan ju aisan jẹjẹrẹ ọyan lọ

Fun igba akọkọ nile Gẹẹsi, iyẹ awọn Ọkunrin to ku nipa aisan jẹjẹrẹ asẹtọ ọkunrin ti bori iyẹ awọn ọbinrin to n ku nipasẹ aisan jẹjẹrẹ ọyan, atọka ti fihan bẹẹ.

Eyi ti fihan wipe bi awọn agbalagba se n pọ si lawujọ ni ọpọlọpọ ọkunrin n ku nitori aisan jẹjẹrẹ asẹtọ.

Image copyright Getty Images
Àkọlé àwòrán Aisan jẹjẹrẹ asẹtọ Ọkunrin n paniyan ju tatẹyin wa lọ nitori iye eniyan to n pọ si lagbaye

Ajọ to n gbogun ti aisan jẹjẹrẹ nile Geesi (Prostate Cancer UK), ti ni igbega to n ba iwadi ati iwosan arun jẹjẹrẹ oyan ti n so eso rere, eyi to mu ki alekun ba owo ti wọn n na, to si le se anfani fun awọn to ni aisan jẹjẹrẹ asẹtọ.

Lorilẹede Gẹẹsi, aisan jẹjẹrẹ to paniyan ju ni ti ọna ọfun ati ti isale ikun, ti aisan jẹjẹrẹ asẹtọ Ọkunrin si jẹ ikẹta ninu awọn aisan to paniju lọ ni ilẹ Geesi.

Adari iroyin fun ile-ise to n risi aisan jẹjẹrẹ nile Geesi , Micheal Chapman sọ wi pe idi ti aisan jẹjẹrẹ fi n paniyan ju tatẹyinwa lọ ni pe ojojumọ ni iye awọn eniyan n pọsi lagbaye ati pe awọn Ọkunrin n pe laye ju ti tẹlẹ lọ.

Ènìyàn 26,000 ni àìsàn jẹjẹrẹ ń pa lóòjọ́

Kí ni àyájọ́ ‘Má wọ kọ́mú’ wà fún?

Okunrin kan kú lójijì lẹ̀yin ọjọ̀ díẹ̀ to jẹ milionu kan dọ́là