Osinbajo: Ẹgbẹ̀rún mẹ́wàá náírà ni ọlọ́jà kọ̀ọ̀kan gbà

ọjọgbọn Yemi Osinbajo Image copyright @profosinbajo
Àkọlé àwòrán Ẹgbẹrun mẹwaa ni o kan ontaja kọọkan

Igbakeji aarẹ, Yẹmi Ọsinbajo se abẹwo si ipinlẹ Eko ni ọjọ Aje, lati pin owoya fun awọn ọlọja.

Owoyaa yii, eyiti ijọba apapọ n pin fun awọn ontaja jake-jado orilẹ-ede yii, ni wọn ko beere ohunkohun lọwọ wọn gẹgẹ iduro ki wọn to fun wọn.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionLekan Kingkong: Níbikíbi tí mo bá wà, màá gbé àṣà Yorùbá ga

Owoya ọhun, ti wọn pe ni TraderMoni, ni igbakeji aarẹ wa se ifilọlẹ rẹ nilu Eko, eyi to jẹ akanse eto ironilagbara ti ijọba apapọ n se fawọn ontaja kekeke ati alabọde.

Ọja mẹta ọtọọtọ si ni Ọsinbajo ti pin owoya naa, tii se ẹgbẹrun mẹwa fun ontaja kọọkan.

Image copyright @akandeoj

Lara awọn ọja ti igbakeji aarẹ si ti pin owoya naa ni Ketu ati Bariga, nibi to ti fara kinra pẹlu awọn ontaja bii ẹlẹran, alata atawọn olokoowo alabọde miran.

Ọsinbajo tun lo anfaani akoko abẹwo naa lati jẹ ko di mimọ fun araye pe, okun ajọsepọ to wa laarin gomina Ambọde ati oludije fun ipo gomina labẹ ẹgbẹ oselu APC nipinlẹ Eko, Babajide Sanwo-Olu si yi dain-dain sii.

Image copyright @akandeoj

O se eyi pẹlu bo se ko awọn mejeeji lẹyin lasiko ifilọlẹ owoya naa, ti wọn si dijọ farakinra pẹlu awọn ọlọja ipinlẹ Eko naa.

Orilẹede Naijiria n sọ ẹlẹwọn di ẹranko

Igbakeji Aare orilẹede Naijiria ti bu ẹnu ẹtẹ lu ile isẹ ti o ns'eto awọn ile-ẹwọn lorilẹede yi - wi pe awọn ipo ẹwọn buru jayi - ti o sọ awọn ẹlẹwọn "ẹranko".

Ọjọgbọn Yẹmi Osinbajo sọ ibanujẹ rẹ lẹyin abẹwo rẹ si ile ẹwọn kan n'ilu Port Harcourt, eyi ti ijọba kọ lati gba awọn ẹlẹwọn ẹgbẹrin, ṣugbọn nisisiyi o ni marun ẹgbẹrun ẹlẹwọn lọ.

Iwe irohin Vanguard sọ pe aridaju wa pe bii ẹgbẹrun mẹrin ninu wọn ni awọn ti wọn wa ninu itubu ni wọn n duro de idajọ - awọn kan sọ fun igbakeji aarẹ wipe awọn ti n duro de idajọ nile ẹjọ fun bii ọdun marun.

Osinbajo, ti o se abẹwo ọgba ẹwọn naa ni ọjọru, sọ oju abẹ n'iko nibi ifilọlẹ iwe kan nipa awọn ipo ẹwọn jakejado orilẹ-ede.

"Ohun ti mo ri jẹ nnkan ibanujẹ nitori pe ko si iyẹwu ninu awọn ile-ẹwọn mọ sugbon o dabii ile itaja ti a ha awọn eniyan ti o ju ẹgbẹrun marun lọ si dipo awọn ẹlẹwọn ẹgbẹrin ti wọn kọ ibẹ fun".

Nipa iwadi mi, wọn wipe ko si aaye fun ẹlẹwọn nibẹ mọ, ẹnikẹni ti ba o lọ sibẹ yoo pada wale bi ẹranko."

Osinbajo daba pe eto lati se atunto si isẹwọn yoo gba akoko pupọ, ṣugbọn ko tilẹ si eto lati mu ipo naa dara rara.