Ibi gbogbo là n kádìyẹ alẹ,èkúté jẹ ìdì oògùn olóró lagọ ọlọpaa ni Kenya

Ọkẹẹrẹ n jẹ nkan
Àkọlé àwòrán,

Isẹlẹ yii n waye lẹyin ti ọkan lara awọn osisẹ ajọ to n se idanwo si ile ẹkọ giga fasiti ni Naijiria, JAMB ti kede faye gbọ pe ejo mi miliọnu mẹrindinlogoji Naira

Awọn ọlọpaa kan lorilẹ-ede Kenya ti sọ fun ileẹjọ kan nilu Kwale wi pe awọn ẹru ofin to poora ni ibi ti wọn ko si ni agọ ọlọpaa wọn ko sa deede poora bikose awọn eku adugbo to ko wọn jẹ tan pata.

Ọrọ yii waye nigba ti awọn ọlọpaa mẹta kan to n jẹri fun olupẹjọ ninu ẹjọ ti wọn pe awọn obinrin mẹrin kan ti wọn fi ẹsun kan pe wọn n ko ẹẹdẹgbẹsan o le mẹwaa idi ewe oogun oloro igbo ti wọn n pe ni 'Bhang' lọna ti ko ba ofin mu lati ilu Migori si Ukunda ni Kwale.

Awọn ọlọpaa mẹta ọhun ni Ken Olonde, Patrick Baya ati Sajẹnti Hamisi Kombo ti wọn fi ofin mu awọn afurasi obinrin naa.

Bi a ko ba ni gbagbe, ni orilẹ-ede Naijiria naa lo ti ṣẹlẹ ri ti ọkan lara awọn osisẹ ajọ to n se idanwo si ile ẹkọ giga fasiti nibẹ, JAMB ti kede faye gbọ pe ejo mi miliọnu mẹrindinlogoji Naira owo ajọ JAMB to wa ni ipamọ ọfiisi naa ni ipinlẹ Benue lorilẹ-ede Naijiria.

Nigba ti o n fi ọrọ wa wọn lẹnuwo, agbẹjọro fun ọkan lara awọn olujẹjọ naa, Abdul Aminga ke si awọn ọlọpaa naa lati salaye ohun to sokunfa bi awọn idi oogun oloro naa se dinku si ẹẹdẹgbẹsan o le mẹwaa.

Àkọlé àwòrán,

O fẹ jọ bi ẹnipe awọn ẹranko ni awọn eeyan n fi ẹsun kọ lọrun bayii

Awọn ọlọpaa naa ni eku lo ya bo agọ ọlọpaa awọn to si jẹ awọn idi ewe oogun oloro naa ti wọn n pe ni 'Bhang'

Amọsa, kayeefi ọrọ naa ni wi pe eku to jẹ idi oogun oloro to wa ninu apoti ko da iho lu tabi jẹ ibikibi lara apoti ti wọn ko o si.

Bakan naa ni wọn tun sọọ ko awọn ọlọpaa naa loju pe ọtọ ni iye owo ti wọn n ta egboogi oloro naa nigboro, ọtọ ni iye ti awọn ọlọpaa yii kọ silẹ sinu iwe ofin ni agọ wọn.

Bi ọwọ awọn ọlọpaa ṣe tẹ awọn afurasi naa ti orukọ wọn njẹ Pauline Moraa, Elizabeth Atieno, Nancy Auma ati Mercy Achieng nitosi ileto kan ti orukọ rẹ n jẹ Banga lagbegbe Mbunguni ni wọn ti fọwọ ofin mu wọn

Àkọlé fídíò,

Ṣé ẹ̀yin lè ṣe jú àwọn tó f'àmì sí Awọlumatẹ?

.