Afẹnifẹre: Buhari kò tara nípa ikú ọ̀pọ̀ Sojà tí Boko Haram pa

Buhari n se ipade lu awọn olori ologun ilẹ wa Image copyright @AfenifereRG

Ẹgbẹ́ àpapọ̀ ọmọ Yorùbá, Afẹnifẹre, ti koro oju si bawọn agbesunmọmi gbe ran awọn ọmọ ogun ilẹ wa to le ni ọgọ run lọ si ọrun ọsangangan.

Bakan naa ni ẹgbẹ naa tun n fi ọwọ gun aarẹ Muhammadu Buhari nimu pe ko fi bẹẹ ni itara rara lori iku awọn ọmọ ogun to papoda ọhun.

Afẹnifẹre fikun pe, se ni ijọba apapọ se ẹnu mẹrẹ, lai fọhun sita fun odidi ọjọ mẹfa lẹyin ti isẹlẹ naa waye, ti wọn ko si tete tufọ iku awọn alaisi Soja naa fawọn eeyan wọn.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOnigbajamọ: Báwo lẹ se gbọ́ èdè Yorùbá sí?

Atẹjade kan ti akọwe ipolongo fẹgbẹ Afẹnifẹre, Ọgbẹni Yinka Odumakin fisita lẹyin ipade apapọ ẹgbẹ to waye nile Alagba Reuben Fasoranti,lo sisọ loju ọrọ yii.

Afẹnifẹre tun wa n gba Buhari nimọran lati tete juwe ọna ile fun awọn olori ikọ ogun to wa lorilẹede yii, nitori pe wọn ko kaato to lati pese eto aabo to peye fun orilẹede yii.

Image copyright @AfenifereRG

"Bi awọn adunkookomọni se ran awọn ọmọ ogun wa ti ko ni eroja to yẹ lati ja, sọrun airotẹlẹ, lo tun n safihan ipo ewu ti ileesẹ ologun Naijiria walai naani biliọnu kan naira ti ijọba apapọ kede pe oun ya sọtọ fun ileesẹ ologun ilẹ wa lati eto aabo losu diẹ sẹyin."

Afẹnifẹre tun wa gba ijọba apapọ ni gbolohun pe ko pẹ, ko jinna rara to kede pe awọn ọmọogun ilẹ wa kan ba ogun Boko Haram lọ, lo tun n kọju ija sawọn eeyan to n sọ ero wọn nipa isẹlẹ ibi naa.

Awọn alagbara lo wa lẹyin ikọlu Dapchi'-Afẹnifẹre

Ẹgbẹ Afenifere ti sọ wipe ijinigbe to waye nipinlẹ Yobe jẹ iṣẹ ọwọ awọn alagbara kan lorilẹede Naijiria.

Agbẹnusọ fun ẹgbẹ naa, Yinka Odumakin sọ fun BBC Yoruba ninu ifọrọwanilẹnuwo wipe ohun ti o ba jọ ohun ni a fii we ohun, nitoripe ọrọ naa jọ ti awọn ọmọ ti wọn jigbe ni ilu Chibok nipinlẹ Borno ni ọdun 2014.

Odumakin ṣalaye wipe "o jẹ ohun kayeefi wipe awọn eniyan kan lee ko awọn eniyan ti o le ni ọgọrun ti ọlọpa kankan ko ri wọn. Ati wipe iromi to njo loju omi, onilu rẹ wa labẹ odo.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOdumakin: Awọn alagbara lo wa lẹyin ijinigbe Dapchi

"Eyi fihan wipe Naijiria ko si ni alaafia. Awọn alagbara nla kan ni won wa nidi oro yi lo fi jẹ ki o ṣeeṣe bi i ti Chibok"

Image copyright Getty Images
Àkọlé àwòrán Awọn aadọfa akẹkọ ni ijọba kede wipe wọn ko tii ri bayi

Lori ọrọ igbiyanju fun ijọba, Odunmakin wipe "ijọba yii ṣoroo gba lamọran".

O bu ẹnu atẹ lu bi ijọba ṣe ngbowo fun ikọ boko haram lati lee fi awọn ọmọ ti wọn jigbe ni Chibok silẹ. O ṣe iranileti wipe ni ọdun 2014, aarẹ Buhari tako igbogunti awọn ikọ Boko Haram pẹlu aṣẹ ti aarẹ ana Goodluck Jonathan pa.

Awọn iroyin miran ti ẹ le nifẹ si: