Fayoṣe: Mo rọ àwọn asòfin Ekiti láti súgbá Fayẹmi

Fayose/Ami idanimọ̀ EFCC Image copyright EFCC/Fayose/Twitter
Àkọlé àwòrán Ẹ̀nu kun EFCC lórí ìkéde tó fi síta nípa Fayose níkété tí wọ́n kéde èsì ìbò gómìnà Ekiti

Gómìnà Ipínlẹ̀ Ekiti, Peter Ayodele Fayoṣe sọ pe, oun ko ni le lọ sibi ifilọlẹ ijọba Kayọde Fayemi gẹgẹ bi gomina tuntun lọjọ Iṣẹgun.

Fayose ni ọjọ kan naa l'oun yoo lọ yọju si ajọ to n ri si iwa ajẹbanu ati siṣe owo ilu kumọ-kumọ EFCC l'Abuja.

Ṣugbọn Fayose rọ awọn ọmọ ile igbimọ asofin nipinlẹ Ekiti lati fọwọṣowọpọ pẹlu Fayẹmi fun aseyọri eto naa.

Ọjọru ni Fayemi kede pe oun ti ranṣẹ pe Fayose lati wa nibi ibura oun gẹgẹ bi gomina tuntun Ipinlẹ Ekiti.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionṢọla Allyson: Obìnrin tí kò bá rẹwà ni yóò máa ṣí ara sílẹ̀

Fayose salaye pe, awọn oloṣelu kan le fẹ dunkoko mọ oun, ti oun ba lọ sibi eto naa lọjọ Iṣẹgun to n bọ.

Ajọ EFCC fẹsun kan Fayose pe, o gba owo to le ni biliọnu kan naira lọwọ oluranlọwọ ijọba lori eto aabo, ajagun fẹyinti Sambo Dasuki.

Àkọlé àwòrán Ọ̀rọ̀ lórí ìfilọ́lẹ̀ ìjọba Kayode Fayemi gẹ́gẹ́ bí gómìnà tuntun fún Ìpínlẹ̀ Ekiti

Fayose ti kọ iwe ranṣẹ pada si ajọ to n ri si iwa ajẹbanu ati siṣe owo ilu kumọ-kumọ EFCC tẹlẹ pe ọjọ kẹrindilogun oṣu kẹwa ti awọn jọ fi adehun si l'oun yoo yọju si wọn.

Fayose to sọrọ naa loju opo Twitter rẹ sọ pe, ti ajọ EFCC ko ba le duro di igba naa pẹlu iwadi wọn, ki wọn wa si ọọfisi oun l'Ọjọbọ nilu Ado Ekiti.

Fayose fi ku ọrọ rẹ pe, o lodi sofin fun ajọ EFCC lati ṣe iwadi oun nigbati saa oun si gẹgẹ gomina nipinle Ekiti ko ti tan.

Àwọn iròyin tì ẹ leè ní ìfẹ̀ sí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOsunDecides: Omisore ní ẹni tó bá fẹ́ ra ìbò, àwọn yóò lọ lásọ mú ni

Fayose wa fikun pe, ẹru ko bodo fun oun lẹyin ajọ to n gbogun ti iwa ibajẹ ati iṣowo ilu kumọkumọ ti fi orukọ oun ransẹ si ajọ aṣọbode lorilẹede Naijiria, lati maa ṣọ oun kiri, ki oun maa ba sa lọ nitori igbẹjọ rẹ pẹlu ajọ naa lori ẹsun iwa ajẹbanu.

Fayose bu ẹnu atẹ lu igbesẹ naa loju opo Twitter lọjọ Aiku, o ni, igbẹsẹ ọhun lọwọ oṣelu ninu bẹẹni o si le fa aawọ papaa julọ lẹyin ti oun kọwe ranṣẹ si ajọ naa pe, oun n bọ lati wa jẹjọ lori ẹsun ti wọn fi kan oun.

Fayose tun sọrọ lori opo twitter rẹ pe, ki awọn alagabagebe ti wọn n ru awọn oṣiṣẹ laya soke lati tako oun pe, oun n ya baalu lati rinrin ajo lọ silu Abuj, maa gun kẹtẹkẹtẹ tabi alupupu lọ si Abuja ti wọn ba ti dori oye losu kẹwa to nbọ.

Ilé ẹjọ́ ni yóò sọ bóyá Fayoṣe yóò j'ẹ́jọ́ - EFCC

Ẹwẹ, ajọ EFCC ti fesi lori ikede kan to fi sita lori Twitter nipa Gomina Ayọdele Fayose.

EFCC ni ikede ori Twitter naa ki i ṣe ipinnu ajọ naa.

Ninu ikede kan ti ajọ naa fi sita l'oju opo Facebook rẹ̀ lo ti sọ pe ajọ naa ta kété si oṣelu, ti ko si ko ipa kankan ninu idibo to waye laipẹ nipinlẹ Ekiti.

Ati pe ko si ìdí kankan fun un lati dunnu lori laasigbo to deba oludije kankan, tabi baba-isalẹ fun oloṣelu.

EFCC ni bo tilẹ jẹ wipe lootọ ni ẹsun iwa ọdaran n bẹ l'ọ́rùn Fayose, o ni ile ẹjọ giga ijọba apapọ̀ to wa nilu ado-Ekiti nikan lo le sọ boya igbẹjọ yoo wa lori ẹ̀sùn naa, ti Fayose ba pari saa rẹ gẹgẹ bi gomina Ekiti.

EFCC pa ìkéde Twitter rẹ́ nípa Fayoṣe

Bkannnaa, ajọ EFCC, ti pa ikede kan to fi sita lori Twitter lọjọ isinmi pe 'awọn ti gbọn awọn iwe to wa lọwọ awọn lori magomago to waye lori awọn ile adiyẹ ti wọn dá sílẹ̀ l'Ekiti.'

Image copyright EFCC/Fayose/Twitter
Àkọlé àwòrán Ẹ̀nu kun EFCC lórí ìkéde tó fi síta nípa Fayose níkété tí wọ́n kéde èsì ìbò gómìnà Ekiti

EFCC sọ ninu ikede naa pe 'pọpọṣinṣin ti tan...' eyi to mu ki awọn eeyan maa woye pe o seese ki wọn fẹ bẹrẹ si ni tanna wadi Gomina Ayọdele Fayose to da awọn ile adiyẹ naa silẹ nigba to fi kọkọ ṣe gomina l'Ekiti.

Ko pẹ ti ajọ INEC kede esi ibo to waye ni ipinlẹ Ekiti lọjọ kẹrinla, oṣu Keje, ninu eyi ti igbakeji Fayose, Olusọla Ẹlẹka, to dije fun ẹgbẹ oṣelu wọn, PDP, ti fidi rẹmi, ni ajọ EFCC fi ikede naa sita.

Won ni ki Gomina ipinlẹ Ekiti wa ṣalaye bó ṣe na owó iṣẹ́ àkànṣe Integrated Poultry Project / Biological Concepts Limited l'Ekiti.

Eyi fihan pe gbogbo agbara koṣeemu ti Fayoṣe ni lori aleefa gẹge bii gomina ipinlẹ Ekiti labẹ ofin Naijiria a too pari.

Ajọ EFCC fi soju opó twitter wọn pe inawo ti pari bayii l'Ekiti ki Fayoṣe wa sọ bo ṣe na owo to le ni biliọnu kan Naira, 1.3Trillion.

Oṣu kẹwa, 2018 ni saa Fayose yoo pari gẹgẹ bi gomina ipinlẹ Ekiti, ti Kayọde Fayẹmi ti wọn ṣẹṣẹ dibo yan yoo si gba iṣẹ.

Bi awuyewuye yii ṣe n lọ lọwọ ni olugbani nimọran Aarẹ Muhammadu Buhari, Lauretta Onochie fi tikẹẹti ọkọ ofurufu kan to ni orukọ gomina Fayose sita.

Ofin ìmúnitì to wa ninu iwe ofin orilẹede Naijiria n daabo bo awọn to wa nipo iṣakoso ni Naijiria, eyi ti ko faaye gba gbigbe wọn lọ sile ẹjọ lasiko ti wọn ba wa n'ipo.

Laipẹ yii ni ile ẹjọ fi gomina nigba kan ri fun ipinlẹ Taraba ati Plateau si ẹwọn lori ẹsun iwa ibajẹ ti ajọ EFCC fi kan wọn pe wọn na owo ilu ninakuna nigba ti wọn fi wa nipo.

Àwọn iròyin tì ẹ leè ní ìfẹ̀ síí: