Ayinde Barrister: Òní ló pé ọdún mẹsan an ti ọba orin jáde láyé

Oloogbe Ayinde barrister

Oríṣun àwòrán, Facebook/Barrister fans page

Àkọlé àwòrán,

Iku mu ọba orin Fuji lọ

Iku n pani, ilẹ n jẹyan. Oni lo pe ọdun mẹsan an geerege ti ilumọọka olorin Fuji, Alhaji Sikiru Ololade Ayinde Balogun Barrister jade laye.

Ọjọ kẹrindinlogun, oṣu kejila, ọdun 2010 ni Barrister dagbere faye ni ile iwosan kan nilu London.

Ẹbi. ọrẹ ati awọn ololufẹ rẹ ni wọn n ṣeranti Barrister lonii.

Ta ni Sikiru Ayinde Barrister?

Ogbeni Salawu Balogun, alapata ẹran lo jẹ baba to bi Sikiru Ayinde Barrister nigba ti iya rẹ jẹ oniṣowo pẹẹpẹẹpẹ.

Ọmọ ilu Ibadan ni Sikiru Ayinde to lọ sile iwe alakọbẹrẹ Muslim Mission ati Ile Iwe Model ni Mushin.

O tun lọ si ile iwe akọṣẹmọṣẹ ti Yaba Poly to jẹ ti gbogboniṣe ni ipinlẹ Eko lati kọ nipa imọ ontẹwe ati awọn iṣẹ ọwọ miran.

Àwọn iròyin tì ẹ leè ní ìfẹ̀ síí:

Sikiru Ayinde bẹrẹ iṣẹ orin kikọ gẹgẹ bii Aji wéré tabi a ji sààrì laisko aawẹ Ramadan awọn ẹlẹsin musulumi.

O ṣiṣẹ ontẹwe nile ipọnti Nigerian Breweries ko to darapọ mọ awọn ologun ni Naijiria gẹgẹ bii ontẹwe ranṣẹ si ni.

Lasiko ogun abẹle Naijiria Barrister ṣiṣẹ takuntakun, o tun jẹ amuludun fun awọn ọmọ ogun to ku nigba naa.

O jagun ni Awka, Abagana, Onitcha atawọn agbegbe miran lasiko ogun abẹle.

Àkọlé fídíò,

Africa Eye: Ohun tí ọ̀rẹ́ mi fí sórí 'Social Media'ló wọ̀ mí lójú- Grace

Ọ̀pọ̀ ló ṣì n ṣelédè lẹ́yìn Barrywonder!

Lori opo Twitter ọkan ninu awọn ololufẹ Barrister gbadura pe ki olorin naa ko maa sun laya Olugbala lọ

Ọmọ ọba Ademolateejay ni ṣe lo dabi ana ti Ayinde Barrister faye silẹ lọdun mẹsan an sẹyin, o ni iku olorin Fuji naa dabi oguta iyebiye to sọnu.

Moruff Adenekan ni tirẹ sọ pe Barrister ti sọ asọtẹlẹ nipa awọn ipenija to n dojukọ eto oṣelu ati ọrọ aje Naijiria ninu awo kan to gbe jade ṣaaju idibo gbogbogbo ọdun 1983, bẹẹ lo si ṣalaye ọna abayọ.

O ni ọpọ ko ka a kun nitori ede Yoruba lo fi kọ orin naa.

Lori Facebook, Abu Mutalubi Omobolaji ni awọn ololufẹ Barrister n ṣeranti ẹni re to lọ. O gbadura pe ki ọba orin ko maa sun lọ laya Olugbala.

Oríṣun àwòrán, Facebook/Barrister fans page

Àkọlé àwòrán,

ṣe ẹyin ranti orin kekere arosọ?

Idris Olawuyi n ṣe'ranti Barrister pẹlu orin to fun ra rẹ kọ pe b'iku ṣe lagbara to ko si oloogun to ri tiku ṣe.

Oríṣun àwòrán, Facebook/Barrister Fans page

Àkọlé àwòrán,

Opo ko kọkọ gbagbọ nigba ti wọn kede iku Barrister

Àkọlé fídíò,

''Ẹ̀mí ọ̀pọ̀lọpọ̀ ṣì n sọnù ni orilẹ̀-ede Burundi'

Ololufẹ Barrister mii gbadura ni pe ki Alhaji Agba maa sinmi laya Allah titi di ọjọ agbende.

Oríṣun àwòrán, Facebook/Barrister Fans page

Àkọlé àwòrán,

ọjọ kan nina a dilẹ leyin gbogbo asunsu je laye

Fun ọmọ ọba Ọmọ Ọla, o ni ọgbẹ ọkan ti iku Barrister da si ọkan awọn ololufẹ rẹ si tun wa laya oun. O fikun ọrọ pe o le maa si olorin Fuji bi Barrister mọ laye.

Oríṣun àwòrán, Facebook/Barrister Fans page

Àkọlé àwòrán,

Ko sẹni ti ko ni ku ni Yoruba n wi

Àkọlé fídíò,

Silas Robotic Engineer: Kò sí ǹkan rere tí ọmọ Nàìjíríà kò lè ṣe