ACCORD, ANRP Kwara: Ẹ kòlè tìtorí APC, PDP fagilé ìwóde

PDP,APC,ANRP,ACCORD Image copyright Google
Àkọlé àwòrán Ẹgbẹ òsèlú ANRP àti ACCORD ti fèsì sì ìgbésẹ̀ ìpínlẹ̀ Kwara láti fagilé ìwóde ìtagbangba nítorí ìwà jàgídíjàgan.

Awọn ẹgbẹ oselu ti bu ẹnu ẹ̀tẹ́ lu igbese ti ijọba ipinlẹ Kwara gbe lati fagile iwọde itagbangba fun awọn ẹgbẹ oselu ni ipinlẹ naa.

Wọn ni awọn gbe igbesẹ yii lẹyin ti awọn janduku fa wahala ni agbegbe kọọkan ni Kwara.

Ọjọ Isẹgun ni Gomina ipinlẹ Kwara, Abdulfatah Ahmed polongo lori tẹlifisọn pe ijọba ipinlẹ naa ti fagile iwọde itagbangba gbogbo ẹgbẹ oselu ni ipinlẹ naa lati dẹkun iwa ipa to n ja ni ipinlẹ naa.

Ẹgbẹ oselu mejeeji lasiko ti wọn n ba BBC Yoruba sọrọ ni ẹgbẹ oselu APC ati PDP lọ n fa wahala, nitori naa ko tọ, ki wọn fagile iwọde fun gbogbo ẹgbẹ oselu to ku.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionWoli Kasali: Angẹli mi ni orékelẹ́wà Dọlapo Awoṣika

Wọn fikun wi pe, o yẹ ki ijọba o mu eto aabo ni okunkundun ni, ki wọn si pese ohun to tọ, to yẹ fun aabo awọn ara ilu.

Ẹgbe oselu ANRP ni awọn n gbe igbesẹ lati ba ile isẹ ọlọpaa sọrọ nitori ẹtọ awon ni lati ba awọn eniyan awọn sọrọ lasiko iwọde itagbangba.

Awọn ẹgbẹ oselu naa wa parọwa si ijọba lati yẹ igbese yii wo nitori awọn ẹgbẹ oselu miran ni ẹtọ lati ba awọn eniyan wọn sọrọ.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOduduwa Alphabet: òmìnira èdè ti dé fún Port Novo báyìí