Sex For Marks: Ọwọ́ ọlọ́pàá tẹ olùkọ́ tó n fipa bá akẹ́kọ̀ọ́ tó n ṣe ìdánwò WAEC sùn' l'Ogun

Ifipabanilopọ

Ọwọ ileeṣẹ ọlọpaa ti tẹ olukọ ileewe girama aladani kan, Matthew Adebayo to n fi ipa ba akẹkọọ rẹ kan ni ibalopọ, ni agbegbe Sango nipinlẹ Ogun.

Adebayo, ẹni ọdun mẹrindinlọgbọn la gbọ pe o n ba akẹkọọ rẹ, to jẹ ọmọbinrin ọdun mẹẹdogun ni ibalopọ lọna aitọ.

Iwe iroyin sọ pe, oludasilẹ ileewe aladani naa lo fi ẹjọ sun ni agọ ọlọpaa, lẹyin ti akẹkọọbinrin naa tu aṣiri fun.

Iroyin sọ pe, akẹkọọbinrin naa jẹwọ pe lati igba ti awọn ti pada sileewe, ni imurasilẹ fun idanwo aṣejade, WAEC, ni olukọ naa ti n ba oun ni ibalopọ.

Àkọlé fídíò,

Say no to rape: Àwọn òṣèré tíátà Yorùbá pariwo síta lórí wàhálà ìfipábánilòpọ̀

Oludasilẹ ileewe naa fi kun ọrọ rẹ ni agọ ọlọpaa pe, akẹkọọbinrin naa sọ fun oun pe, olukọ ti wọn fi ẹsun kan, ni oun yoo fidirẹmi ninu idanwo WAEC, ti oun ba fi kọ ko ba a ni ibalopọ.

Ko tan sibẹ o, a gbọ pe alẹ ni olukọ naa ma n pe akẹkọọbinrin naa jade ni yara ibusun awọn akẹkọọ, ti yoo si lọ ọ ba lopọ ninu kilaasi.

"Igba ti akẹkọọbinrin naa ko le mu mọra mọ, lo pinnu lati sọ fun oludasilẹ ile ẹkọ naa.

Àkọlé fídíò,

Africa Eye: Olùkọ́ méjì ní fásitì Eko àti Ghana lùgbàdì ọ̀fíntótó BBC lórí ìwà ìbàjẹ́

Nibayii, ileeṣẹ ọlọpaa ti fi olukọ naa si ahamọ, lẹyin to jẹwọ pe lootọ ni oun jẹbi ẹsun naa.

Bakan naa ni wọn ti gbe akẹkọọ naa lọ sile iwosan fun itọju.

Ọwọ́ tẹ Akeem tó fipá bá ọmọbǹrin ọdún 16 sùn létí odò l'Oṣun

Ileeṣẹ ọlọpaa ni ipinlẹ Osun ni ọwọ awọn ti tẹ arakunrin kan ti orukọ rẹ n jẹ Akeem Adebayọ lori ẹsun pe o fi ipa ba ọmọbinrin ọdun mẹrindinlogun kan lo pọ leti odo kan ni ilu Ido Ọṣun.

Gẹgẹ bi awọn eeyan agbegbe naa ṣe sọ, ni nnkan bii agogo mẹwaa abọ aarọ ọjọ Satide ni iṣẹlẹ naa ṣẹlẹ lagbegbe Aerodome.

Ọmọdebinrin yii lọ fọ aṣọ rẹ leti odo kan to wa lẹgbẹ ile baba rẹ ni nigba ti afurasi naa kii mọlẹ.

Iroyin tilẹ fi kun un pe afurasi naa tun fi irin gba ọmọdebinrin naa to jẹ akẹkọọ ileewe girama ijọba naa lori eyi to da ọgbẹ nla si agbari rẹ.

Igbe ọmọdebinrin ọhun lo pa akiyesi awọn ara adugbo to sare ls si ibi ti iṣẹlẹ naa ti n waye nibi ti wọn ti gba arakunrin naa mu bi o ti n gbiyanju ati salọ.

Awọn agbofinro ni o di dandan ki o foju ba ile ẹjọ laipẹ.

Àkọlé fídíò,

Wo bí Sunday Orimola ṣe gba ikú ẹranko kú ní Ifon ni Ondo lórí ọ̀nà àtijẹ

Ki lo tun ti ṣẹlẹ sẹyin lori ifipabanilopọ?

Mo ti bá ọmọ ọwọ́ mẹ́ta lòpọ̀ sẹ́yìn, ọmọ oṣù mẹ́ta ló ṣìkẹrin - Afurasí jẹ́wọ́

Yoruba ni aji ede jẹ, kii ji mọ ni ẹyọ kan, bẹẹ si ni bi ọsan ba dun , eeyan loo mu igba.

Awọn owe yii la lee fi se akawe iwa aidaa ti afurasi ọkunrin kan, Ashimu Aliyu, ẹni ogoji ọdun hu, ẹni ti wọn fura si pe o kundun ko maa ba awọn ọmọ ọwọ lopọ.

Aliyu, ti ọwọ awọn ajọ aabo ara ẹni laabo ilu, NSCDC, tẹ pe o ba ọmọ osu mẹta sun, ti ifun rẹ si tu jade ni Lafia nipinlẹ Nassarawa, ti wa jẹwọ pe lootọ ni.

Àwọn iròyin tì ẹ leè ní ìfẹ̀ síí:

Isẹlẹ naa to waye lọjọ kẹtadinlọgbọn osu Karun ọdun 2020, si lo n kọ ọpọ eeyan lominu pe ki lo lee se okunfa iwa ailaanu naa.

Afurasi ọhun ti wa tu asiri ara rẹ pe, igba akọkọ kọ ree ti iru isẹlẹ naa yoo waye lati ipasẹ oun nitori ọmọ tuntun yii kii se akọpa fun ajẹ oun.

Nigba to n ba awọn akọroyin sọrọ, Aliyu ni "Mo kabamọ pe mo n ba awọn ọmọ ọwọ lopọ, ọmọ to tu asiri mi yii, tii se ọmọ osu mẹta, si ni ọmọ ọwọ kẹrin ti maa ba lopọ, ko si si eyi to to ọdun meji ninu gbogbo wọn."

Awọn obi ti wa n jade wa lati sọ nipa bi ọkunrin naa se n ba awọn ọmọ tuntun wọn lo lati ẹyin wa.

Àkọlé fídíò,

Belly Mujinga: Bí iléeṣẹ́ ọlọ́pàá ní UK ṣe parí ẹ̀ṣùn rẹ̀ mú kí àwọn adúláwọ̀ fa ìbínú yọ

Awọn obi ọmọdebinrin kan, ọmọ ọdun mẹta, ti wọn wọn pe orukọ rẹ ni Aisha, naa tun ti fi ẹsun kan Aliyu pe o ba ọmọ naa ni ajọsepọ nigba to wa ni ọmọ osu mẹsan.

Awọn obi miran tun ni ti ọmọdebinrin Amina, ti wọn ni afurasi naa ba lopọ lọmọ osu mẹsan ati awọn obi Khadijat, ti wọn ni ọmọ ọdun kan ati osu marun ni Aliyu ti ba a lopọ.

Aya gomina ipinlẹ Nassarawa, Silifat Bello, ti wa gbarata lori awọn isẹlẹ ifipabanilopọ nipinlẹ naa, to si n beere fun ijiya to gbopọn fawọn ọdaran naa.

O wa jẹjẹ lati san gbogbo owo itọju awọn ọmọ to lugbadi ibalopọ aitọjọ naa nile iwosan, ti yoo si tun seto iranwọ fun awọn obi wọn lati mu adinku ba isoro ti wọn koju.

Ọkùnrin kan bá ọmọ oṣù mẹ́ta lòpọ̀, ìfun ọmọ tú jáde!

Saaju la ti kọkọ mu iroyin kan wa fun yin pe ọkunrin kan ti wọn fẹsun kan pe o fipa ba ìkókó ọmọ oṣu mẹta lajọṣepọ ti n foju wina ofin bayii ni ile ẹjọ kan ni ipinlẹ Nasarawa.

Ọga ajọ ẹṣọ aabo ara ẹni labo ilu ni Nasarawa lo sọ bẹẹ fun BBC pe, NCDC yoo fi panpẹ ọba mu Ahmadu Yaro, awọn yoo si ri i daju pe wọn fi iya to tọ jẹ ẹ.

Gẹgẹ bi o ṣe sọ ọ, ileẹjọ gba lati fi ọkunrin naa si atimọle titi di igba ti ajakalẹ arun Covid-19 yii yoo fi kuro nilẹ.

Àwọn iròyin tì ẹ leè ní ìfẹ̀ síí:

Iroyin taa gbọ ni pe, Yaro lọ si ile baba ọmọ naa ni oṣu mẹta sẹyin, ọmọ naa si n sun jẹjẹ lẹgbẹ baba rẹ ni, nigba to gbe e, o si ba a sun, koda, o buru titi, ifun ọmọ ọhun tu sita.

Wọn ti kọkọ gbe ọmọ yii lọ si ileewosan Dalhatu Arab ni Nasarawa, ṣugbọn nigba ti ko lee gbera, wọn ba tun gbe e lọ sile iwosan ijọba to wa ni fasiti ilu Jos, nibi ti ireti wa pe yoo ṣe iṣẹ abẹ bii mẹsan.

Àkọlé fídíò,

Genotype: Kí làwọn àǹfàni àti ewu tí ẹ̀yà jínótáìpù rẹ le mú bá ìgbé ayé rẹ̀

Gẹgẹ bi Dokita Muhammad Gidado Fari ti wi, wọn ti da ọmọ naa silẹ nile iwosan ṣugbọn wọn yoo tun pada wa lọjọ kọkandinlọgbọn oṣu kẹfa.

Ọrọ ifipabanilopọ ṣi n peleke sii ni Naijiria, ti wọn si n ri iru isẹlẹ yii kaakiri igun orilẹede.

Ṣaaju ninu oṣu yii, ni ileeṣẹ ọlọpaa ipinlẹ Kano sọ pe, ọwọ tẹ ọkunrin kan ti wọn fura pe o ba ogoji obinrin lo pọ.

Bakan naa, o tun ṣe iru ẹ si iya ẹni ọgọrin ọdun.

Koda, ni ipinlẹ Jigawa, ọmọ ọdun mejila kan sọ fun awọn ọlọpaa pe ọkunrin mejila lo ti n fipa ba oun lo pọ fun oṣu meji sẹyin.

Ẹwẹ ni ipinlẹ Edo, wọn pa ọmọ fasiti Benin kan lẹyin ti wọn fipa ba a lopọ ninu ṣọọṣi.

Awọn alatako kan sọ pe, pipa lo yẹ ki wọn pa ẹnikẹni ti wọn ba ri to jẹbi ẹsun ifipabnilopọ, bi o tilẹ jẹ pe, awọn ọmọ ile igbimọ aṣofin agba Naijiria ti lodi si igbesẹ yii.

'Títẹ àwọn afipábánilopọ̀ lọ́dàá kọ́ ni ọ̀nà àbáyọ sí ìwà ìfipábánilopọ̀'

Àkọlé fídíò,

Claudiah: ìrẹ̀wẹ̀sì ọkàn bá mi fínra fún ọpọlọpọ ọdún

Iwa ifipabanilopọ kii ṣe ohun to bojumu, ṣugbọn o dabi pe iwa yi n burẹkẹ si ni Naijiria lẹnu ọjọ mẹta yii.

Akọkọ ni ti Vera Uwaila Omozuwa, ọmọ ọdun mejilelogun ti wọn fi ipa ba lopọ ti wọn si tun ge ẹmi rẹ kuru nile ijọsin kan ni ipinlẹ Edo.

Lẹyin rẹ ni ti Barakat Bello ti awọn kọlọrọsi mii tun ṣekupa lẹyin ti wọn fipa baa lopọ tan ni ilu Ibadan.

Eyi ti mu ki ọpọ awọn ọmọ Naijiria maa lọgun iru ijiya to yẹ fun ẹnikẹmi ti aje iwa ifipabanilopọ ba ṣimọ lori.

Awọn kan ni ẹwọn gbere lo yẹ fun iru ọkunrin bẹẹ, awọn mii sọ pe idajọ iku ni, bẹẹ lọpọ awọn mii ni titẹ lọdaa lo yẹ awọn oniṣẹ ibi ọhun.

Ṣugbọn awọn ọmọ Naijiria miran lero pe titẹ okunrin lọdaa ki ṣe ọna abayọ si iwa ifipabanilopọ.

Aṣoju ile isẹ Women Consortium of Nigeria, Morenike Omaiboje sọ fun BBC pe, ipa ti iṣẹlẹ ifipabanilopọ n ko ninu aye awọn ti iṣẹlẹ naa ṣẹlẹ si pọ ju ki ijọba da awọn afurasi ẹsun naa lọdaa lọ.

O ni o yẹ ki wọn ṣe ju bẹẹ lọ fun awọn oniṣẹ ibi oloju komu-ko-lọ wọnyii.

O ni, titẹ awọn to ba fipa ba obinrin laṣepọ lọdaa le din iru iwa bẹẹ ku, sugbọn ko le fi opin si iwa ọhun.

Morenike ṣalaye pe, bo tilẹ jẹ pe ijọba n fi iya jẹ awọn ọdaran lori ẹsun miran, eyi ko da iru iwa bẹ duro.

Àkọlé fídíò,

JusticeforBarakat: O lé lọ́mọ ọdún mọ́kànla kí n tó rí abúrò rẹ̀ bí lée

O wa rọ ijọba lati ti gbe igbeṣe to dantọ lọna lati fopin si iwa ifipabanilopọ lorilẹ-ede yii.

Bẹẹ naa lo rọ awọn obi lati kọ awọn ọmọ wọn lati kekere, lati ma ṣora ṣe lẹgbẹ awọn okunrin ti wọn ko ba mọ daadaa.

Bawo ni wọn ṣe le tẹ okunrin lọdaa?

Dokita Thomas-Wilson Ikubeseto jẹ oniṣegun eto ilera ni, titẹ okunrin lọdaa jẹ ọna ti wọn fi n yọ koropọn okunrin kuro ni ipo to wa.

Ikubese ni titẹ okunrin lọdaa ko da ibalopọ duro.

O sọ pe okunrin ti wọn ba tẹ lọdaa si le ta kebe bi okunrin, sugbọn iru okunrin bẹ ko ni le fun obinrin loyun.

Àkọlé fídíò,

Kemi Lala: mo ń gbìyànjú láti mú inú òbí mi dùn

Kini awọn eeyan n wi?

Ọgbẹni Odewale Omokehinde sọ fun BBC pe, o dara ki ijọba maa tẹ awọn okunrin to ba fi ipa ba obinrin lajọsẹpọ lọdaa.

O ṣalaye pe oun gbagbọ pe iru ijiya bẹẹ le dẹkun iwa ifipabanilopọ lorilẹ-ede yii.

Sugbọn ọgbẹni Uwem Okon ni tire tako ọrọ yii, o ni oun ko fara mọ ki ijọba tẹ awọn afurasi lọdaa nitori ẹsun ifipabanilopọ.

Àkọlé fídíò,

Suicide Prevention: ìwọ́de yìí wáyé láti gbógun ti pípa ara ẹni

Uwem sọ pe oriṣiriṣi idi ni awọn eeyan ṣe le fi ipa banilopọ, bi arun ọpọlọ ati awọn awọn idi miran.

O sọ siwaju si pe, ti ijọba ba ṣe bẹ, iru ijiya naa yoo sọ iṣoro ọhun di abala meji ni.

Ọgbẹni Uwem kin ọrọ rẹ lẹyin pe, bi idajọ iku ko ṣe dẹkun iwa ipaniyan, bẹ naa ni titẹ awọn afipabanilopọ lọdaa ko le dẹkun iwa ifipabanilopọ.