Bear attack Alaska woman: Bí ẹranko igbó ṣe bu ìdí obìnrin tó ń ṣe gáá lọ́wọ́ jẹ

Obinrin naa, Shannon Stevens ti fara pa to si figbe ta ninu irora bi ẹranko inu igbo kan, esi ti awọn oloyinbo n pe ni "bear" ṣe ya bo o to si bu u jẹ nidii.

Ninu igbo ti wọn n pe ni Chilkat Lake bush ni Shannon ti ni koun sare ṣe gaa afi fuu to fo soke o figbe ta foo lẹyin ti ẹranko esi naa bu idi rẹ jẹ.Ṣhannon Stevens ti farapa bayii lẹyin ikọlu ẹranko ọhun

Lẹyin to figbe bọ ẹnu ni aburo arabinrin naa ọkunrin sa jade pẹlu ina tọọṣi lọwọ lati lọ wa ori ẹranko naa latoju iho ṣalanga iyagbẹ.

Arabinrin ọhun sọ fun ile iṣẹ iroyin Associated Press pe lẹyin ti oun aburo oun ati ọrẹ oun ṣẹṣẹ din nkan ipanu sausage jẹ ta loun ni ki oun sare wọ ile igbọnsẹ afi ti ẹranko yii bu idi oun so.

Shannon n lo opin ọsẹ pẹlu aburo rẹ, Erik ati ọrẹ rẹ labẹ tampoli kan ni asiko ti iṣẹlẹ naa ṣẹlẹ.

Arabinrin Stevens ni o ṣeeṣe ki oju ọgbẹ naa jẹ boya ẹranko naa ge oun leyin jẹ ni tabi eekana.

"Kete bi mo ṣe fidi le ori nkan igbọnsẹ naa ni kini kan ge mi jẹ ni idi".

Wọn ti sare gbiyanju lati ṣe itọju akọkọ fun un eyi ti oloyinbo n pe ni "first aid".

Ẹka ileeṣẹ to n ri si ọrọ awọn ẹranko igbo ni Alaska ni awọn ro o pe ẹranko yii to bu arabinrin Stevens jẹ lee jẹ esi dudu eyi ti ko si wọpọ laarin ẹranko.

Nibayii, arabinrin Stevens ni oun ti kọ ọgbọn, oun yoo si maa la oju oun daadaa bayii, farabalẹ wo inu ile igbọnsẹ ko to gbe idi le e lọjọ iwaju.